Euskaraz ikasteko askatasunik ez dutela salatu dute Bernat Etxepare lizeoko ikasleek
Gora Ikasleon Borroka ekimenaren barruan deitutako grebarekin bat eginez, Baxoa euskaraz egiteko eskubidea aldarrikatu dute Bernat Etxepare lizeoko ikasleek, Baionako merkatu plazan egindako ekintzan. "Hezkuntza sistema publiko, euskaldun eta feminista baten alde" atera dira ikasleak kalera Bilbo, Gasteiz, Iruñea, Donostia eta Baionan.
Urriaren 12an aurkeztu zuten greba deialdia Gasteizen. Gora Ikasleon Borroka! izenpean, Euskal Herriko hamaika txokotako ikasleek bat eginda luzatu zuten proposamena. Mobilizazio egunaren helburu nagusia ikasleek egungo hezkuntza sisteman pairatzen dituzten "zapalkuntzak" salatu eta hezkuntza eredu "publiko, euskaldun eta feminista baten alde" kaleak hartzea da.
Baionan egindako ekintzan, frantziar zein espainiar estatuen hezkuntza ereduek euskara gutxietsi eta Euskal Herriko historia ere ukatzen dutela salatu dute ikasleek.
Frantziar bandera zuten maskarak hautsi eta Baxoa euskaraz pasatzeko eskubidea aldarrikatzen dute Bernat Etxepareko ikasleek @IkasleBorroka #indarraizan #A28ikaslegreba pic.twitter.com/v5N5UeTtqt
— Iurre Bidegain (@Iurrebidegain) November 28, 2019
.jpg)
