2020ko abuztuaren 07a
2020ko udazkenean egingo den Euskaraldia egitasmoak bi ardatz nagusi izango ditu. Batetik, lehen edizioan ahobizi eta belarriprest izan direnei hizkuntza ohiturak aldatzen jarraitzeko deia egingo zaie eta, bestetik, entitateek euskara gehiago erabiltzeko urratsak emango dira.
Norbanakoez gain, erakunde publikoak, enpresak, saltokiak edota elkarteak izango ditu bigarren edizioak ardatz. Lehen edizioan 200 entitate baino gehiagok sustatu zuten Euskaraldia, eta datorren urterako xedea da pausu bat harago joatea, euren egunerokoan euskara gehiago erabiltzea; horretarako konpromiso zehatzak hartzeko eskatuko zaie, EITBk jakinarazi duenez.
Bestalde, iazko 220.000 belarriprest eta ahobizien inguruan egindako azterketaren datuak aurkeztu dituzte. Udan emango dituzte lehen edizioaren eraginari buruzko datu gehiago.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
