ARGIA.eus

2021eko abenduaren 02a

Euskaraldia 2022ko azaroaren 18tik abenduaren 2ra izango da

  • Hirugarren edizioa izango da 2022koa eta belarriprestak, ahobiziak eta ariguneak izango dira protagonista. Herri batzordeak prestaketa lanetan hasiko dira.

ARGIA @argia
2021eko azaroaren 22a
Euskaraldiaren aurkezpena IruƱean egin zuten azaroaren 20an. Argazkia: Euskaraldia.

Hamabost egunetan hizkuntza ohiturak aldatzeko ariketa soziala egingo da 2022ko hondarrean. ‘Hitzez ekiteko garaia’ leloa aukeratu dute antolatzaileek. Pandemiak bigarren edizioa erabat baldintzatu zuen, harreman sozialak oso mugatuta egon baitziren. Hitza eta ekintza uztartzeko beharra azpimarratu dute, “hitza baita hizkuntza ohiturak aldatu eta inertziak apurtzeko tresna nagusia”.

Aurreko bi edizioetan bezala, belarriprest eta ahobizi rolak izango dira eta bi rolei proposamenak egingo zaizkie hizkuntza portaerak errazago burutu ditzaten. Antolatzaileen lehentasuna izango da herritarrek ohiturak aldatzeko tresna eraginkorragoak eskura izatea.

Ariguneak finkatzeko urtea izatea nahi dute antolatzaileek. 2020ko edizioan nahi baino entitate gutxiagotara heldu zirela adierazi dute, pandemia tarteko, eta hirugarren edizioa ariguneak zabaltzeko eta haietan sakontzeko urtea izatea nahi dute.

2022ko Euskaraldia aurkeztuta, tokian tokiko batzordeak ere martxan jarriko dira herrietako dinamikak hirugarren aldiz aktibatzeko.

Arrate Illaro, Euskaraldiaren koordinatzaileak, 2020ko edizio mugatua gogoan, kalea irabaztearen garrantzia azpimarratu du: “Kalea berreskuratzea beharrezkoa da euskararentzat eta euskaldunontzat. Azken urte eta erdi honetan gizarteak jasan duen kolpeari buelta eman behar diogu eta datorren urtean horretarako tresnak izango ditugu. Inoiz baino beharrezkoago da hitzez, ekinez, kalea irabaztea”.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Euskaraldia

Euskaraldia kanaletik interesatuko zaizu...
[INUZENTEKERIA] Bingen Zupiriak gaztelerazko hedabide handiekin adostu ditu euskara sustatzeko diru-laguntzak

Aztarnatzaile talde batek emandako datuetatik ARGIAk jakin du Bingen Zupiria Kultura eta Hizkuntza Politikako sailburua Vocento, Deia edo El Mundo-ko zuzendariekin bildu zela irailaren 14an, Bilboko Cervantes Institutuan. Bilera hartan izan zen pertsonak batek ARGIAri ziurtatu... [+]


Euskaralditik urrun

Ez ahobizi, ez belarriprest, ez dut aurtengo Euskaraldian parte hartu. Inguru erdaldunean etxean euskaraz hazi garelako gara gu euskaldun. Guk ez genuen aukeratu, gurasoak euskaldundu ziren eta hala egokitu zaigu. Asko eman digu euskarak, nortasuna, kultura eta gauzak ulertzeko... [+]


Eta hau hola bazan, ez zan Euskaraldi beharrik izan

“Amandrea, kontatu ipuina”, eskatu zion ilobak astero bezala. Ipuina ez, gaur egi-egia kontatuko dizut, ume, gauzak nola gertatu ziren jakin dezazun. Behin batean, nik zure adina baino hamar bat urte gehiago nuenean, Euskaraldiari buruzko hitzaldia eman ziguten... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude