EuskarAbenturaren 3. edizioa 2021era atzeratu dute

  • Osasun eta segurtasun baldintza guztiak bermatzeko zailtasunak direla medio aurtengo udan ez da EuskarAbenturaren espediziorik egingo.

Artikulu hau CC BY-SA 3.0 lizentziari esker ekarri dugu.

2020ko ekainaren 01an - 12:46
Argazkia: uriola.eus.

EuskarAbentura Elkarteak 3. edizioa 2021era atzeratzea erabaki du osasun eta segurtasun baldintza guztiak bermatzeko zailtasunak direla eta. Hala eta guztiz ere aurtengo udarako alternatiba bila dabil elkartea.

COVID-19ak sortu duen krisiaren ondorioz, uztailaren 1etik 31ra egin beharreko espedizioa abuztura atzeratzeko erabakia hartu zuen EuskarAbentura Elkarteak.

Orain, elkartearen batzar orokorrak 2020ko udan espediziorik ez egitea erabaki du: "osasuna erdigunean jarrita, gaur egun indarrean dauden neurriak eta jasotako aholkuak kontuan hartuta, egoerak ez du espedizioa aurrera ateratzea ahalbidetzen. Bizi dugun egoeran osasun eta segurtasun baldintzak guztiz bermatzea ezinezkoa izango da eta egitasmoaren helburuak ezin izango dira erdietsi". 

Bien bitartean elkartearen baloreak transmititzeko helburuarekin, gazteen aurtengo aisialdi beharrak osatuko dituen jarduerak pentsatzen hasi da alternatiba modura, euskal gazte sare euskalduna indartzeko eta Euskal Herria eta kultura ezagutzen laguntzeko besteak beste. Azaldu bezala honen inguruko informazio eguneratua sare sozialetan argitaratuko dute. 


Kanal honetatik interesatuko zaizu: Euskararen erabilera
Jaime Altuna. EHU-ko irakaslea eta ikerlaria
"Euskararen auzia nerabeena baino gehiago da helduena"

Jaime Altunak Hizkuntzaren funanbulistak. Hizkuntza-sozializazioa kirol eremuan adin eta generoan ardaztuta doktoretza tesia uztailean bukatu du. Gaiaren ezagutza sakonetik eta aurrez beste ikerlariek idatzitakotik hurbildu da begirada berezi bezain zorrotzaz Gipuzkoako zenbait... [+]


Biarritzeko turismo-audiogidetan euskararen arrastorik ez

Audiogidak frantsezez, alemanez, ingelesez eta gaztelaniaz daude. Biarritzeko turismo bulegoko zuzendari Genevieve Fontainek argudiatu du euskara ez dela “berehalako eskarietako bat”.


Jon Zapata, 'Haurren aurrean helduok heldu' ekimenaren koordinatzailea
“Haurrek ulertzen dute euskara haurren hizkuntza izanen dela”

Haurren aurrean helduok heldu ekimena urriaren 19tik 29ra egingo da Hego Euskal Herriko 80 herritan. Protagonistak, batez ere, gurasoak izango dira eta bi helburu azpimarratu ditu Euskaltzaleen Topagunea antolatzaileak: batetik, gurasoek hizkuntza ohiturak aldatzeko pausoak... [+]


Iñigo Urrutia
"Gaztelania eta frantsesa armen bidez inposatu zituzten Euskal Herrian"

Euskarafobia legalaren historia legez lege eta arauez arau aztertu du Iñigo Urrutiak (1966, Jatabe-Maruri), Xabier Irujorekin batera. Horren emaitza da Historia Jurídica de la Lengua Vasca (1789-2023) liburu mardula. Irujo atzerrian zegoenez, Urrutiarekin mintzatu... [+]


Eguneraketa berriak daude