Euskara eta Eskola Kontseiluak LOMCEtik salbu izango dira EAEn
LOMCEk kontrakorako aukera ematen duen arren, ikastetxeetako euskara orduetan ez du eskurik sartuko Espainiako Gobernuak, ezta Eskola Kontseiluek gaur egun duten erabakitzeko eskumenean ere. Hala adostu dute Eusko Jaurlaritzak eta Espainiako Gobernuak.
LOMCE legearen hainbat ataletan sinatu dute akordioa, artikulu horien eragina EAErako indargabetuz.
Euskara orduak ez ditu Espainiak zehaztuko
LOMCEk dio gaztelania eta hizkuntza koofiziala "arrazoizko proportzioan" batu behar direla eta hori bermatzen ez dela iritziz gero, Espainiako Gobernuak neurriak har ditzakeela. Bada, akordioaren arabera, EAEn proportzionaltasuna betetzen da eta beraz Espainiak ez du eskurik hartuko.
Horrez gain, LOMCEren esanetan "euskara eta literatura" eta "gaztelania eta literatura" ikasgaiek tratamendu bera izan beharko luketen arren, horien eskola-orduetan ere ezingo du murriztapenik egin Espainiako Gobernuak, lortutako akordioari esker.
Eskola Kontseiluak ez dira aholku organo huts bihurtuko
Zuzendariari ematen dio boterea LOMCEk (jakina, zuzendariaren hautaketan zeresan handia izango du Espainiako Gobernuak), eskola komunitatearen eta Eskola Kontseiluen eragiteko ahalmena (guraso, irakasle, ikasle eta gainerako eragileena, alegia) kontsulta mailara zokoratuz. Akordioari esker, ordea, Eusko Jaurlaritza izango da Eskola Kontseiluen (eta parte-hartze organoen) rola definituko dituena, eta Jaurlaritzak berak adierazi duenez, bermatu egingo du Kontseiluek "hezkuntza zentroetan hartzen dituzten erabakietan duten rol garrantzitsua".
Ikasleak onartzeko irizpideak, Jaurlaritzaren esku
Beste hiru akordio partzial ere sinatu dituzte, Lanbide Heziketako zentroetan, unibertsitateetan eta curriculum espezializazio modularreko ikastetxeetan ikasleak onartzeko prozedurak eta irizpideak ezartzeko eskumena eta erabakia Jaurlaritzaren esku utziz.
Akordio partzial horietatik harago, Eusko Jaurlaritzatik gogoratu dute LOMCE lege osoaren kontrako helegitea jarria duela Auzitegi Konstituzionalean, hezkuntza erreformaren "erabat aurka" dagoelako.
* Irakurri albistearen aurrean hezkuntza komunitateko eragileek izan dituzten erreakzioak.
Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]
Murgian ospatuko den Euskal Eskola Publikoaren jai atarian, hezkuntza arloko murrizketen aurka eta LOMCE lege-proposamenaren kontra borrokan diharduten bi elkartetako ordezkariekin bildu gara, Hezkuntzan Geu Eragileko Edu Zabala eta Denon Hezkuntzako Aitor Otañorekin... [+]
"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]
LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]
Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.
“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]
Hezkuntzako eta lanbide heziketako ministroak LOMCEri egingo dizkion aldaketak zehaztu ditu Diputatuen Kongresuan.
Erlojuaren orratzek egunari hasiera eman diote. Apunteak hartu eta korrika irten zara etxetik. Urduritasuna. Ordua da, heldu da azkenean. Tik-tak. Aurrera begira, lerro zuzenean eta bakarrik eserita. Isiltasuna. Hasi da azterketa, hasi da selektibitatea.
Ikasleok Zorrotz dinamikak deituta manifestazioa egin dute Arriagatik ehunka ikaslek 'Azterketa arrotz, ikasleok zorrotz' lelopean. Azterketa eta erreforma arrotzen aurrean eta Euskal Herri burujabearen bidean hezkuntza "herritik eta herriarentzat" eraikitzea... [+]
Espainiako Estatuko Konstituzio Auzitegiak atzera bota du PSOEk LOMCE legearen aurka aurkeztutako errekurtsoa, eta ikasleak sexuaren arabera bereizten dituzten eskolei diru-laguntza publikoak ematea zilegitzat jo du.
San Ignacion, Luis Elejalden, Aresketan… planto egin diote LH 6. mailako kanpo ebaluazioari. Hezkuntza Plataformen Topagunetik kalifikazio sistema “inposatu” honi planto egiteko deia luzatu zuten eta elkarlanean ari dira ikasleak, irakasleak eta... [+]
Luis Dorao, San Martin, Lukas Rei, Barandiaran, Umandi… Arabako 27 ikastetxe hauetatik 19 publikoetan egin nahi ditu frogak Eusko Jaurlaritzak martxoaren 5etik aurrera Lehen Hezkuntzako 6. mailako ikasgeletan. DBHn ere Pisa azterketa egitera deituko dituzte 4. mailako... [+]
Berriki jakin ditugu euskal hezkuntzaren emaitza kezkagarriak. Duela luze ez dela, PISA txostenak (Ikasleen Ebaluaziorako Nazioarteko Programak) eman zigun lehen zaplaztekoa, emaitza oso kaskarrak lortu zituztelako gure ikasleek. Izan ere, sinetsarazi ziguten Eusko... [+]
Ebaluaketak "merkatu eta politika neoliberalen menpe" daudela kritikatu du sindikatuak eta proba "jarraitu eta hezigarrien" aldeko dokumentua aurkeztu du.
Hezkuntza arloan bero bukatu zen ikasturtea EAEn eta indartsu ekingo diete berriz murrizketen aurkako mobilizazioei: abendura bitartean, greba orokorra eta arloz arlokoa, itxialdiak, elkarretaratzeak, solasaldirako tarteak, salaketa egunak, borroka asteak eta manifestazioak... [+]