Euskaldunen kontrako pintaketak egin dituzte Baionako Nestor Basterretxearen eskulturan
Eskuin muturreko ekintzaileei leporatu diete eskultura bandalizatu izana: Hau kaka euskalduna da idatzi dute frantsesez, eta Heil pepito agur nazia margotu. Jean-René Etxegarai auzapezak jakinarazi du salaketa jarriko dutela. Gainera, Frantziako Alderdi Komunistaren egoitzan ere pintaketa iraingarriak egin dituzte.
Baionan kutsu faxistako pintaketak agertu dira igande goizean, hiriko eragileen esanetan eskuin muturreko ekintzaileek egindakoak. Nestor Basterretxearen Egun on Baiona eskultura zurian frantsesez idatzi dute hau kaka euskalduna da, eta agur nazia egiten ari den pertsona baten marrazkia egin dute. Herriko Etxeko langileek berehala ezabatu dituzte pintadak, eta Jean-René Etxegarai auzapezak gertakariak gaitzetsi ditu; salaketa jarriko dutela iragarri du.
Gainera, Frantziako Alderdi Komunistaren (PCF) Baionako egoitzan ere pintaketak egin dituzte. PCF, hemen putakumeak idatzi diete, eta Fabian Roussel hautagaiaren afixetan ere irainak jarri dituzte. Ez hori bakarrik, Richar Anconina aktore juduaren karteletan ere pintaketa faxistak egin dituzte.
PCFk ere salaketa jarriko du, eta eskuin muturrari leporatutako erasoak gaitzesteko protesta deitu du astelehenean 15:00etan, Santizpiritu auzoko egoitzan bertan. EH Bai alderdiak iragarri du elkarretaratzean egongo direla, elkartasuna adierazteko. Alderdiak gogor kritikatu ditu alderdi komunistari eta euskal kulturari egindako erasoak: “Ezin da onartu halakorik. Eskuin muturreko ideiak borrokatu behar dira. Faxistak kanpora”, idatzi dute txio batean.
Gaur goizean, Baionan, pintaketa faxistak egin dira alderdi komunista eta euskal kultura erasotuz.
Ezin da onartu holakorik. Eskuin muturreko ideiak borrokatu behar dira. #faxistakKanpora @Antifaxismoa pic.twitter.com/FmfTgVeZTl
— EH Bai (@EHBai) January 30, 2022
ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.
Otsailaren 20an La xarxa ultra... [+]
Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Ehunka lagun elkartu ziren ostiralean Aitor Zabaletaren omenez Bultzadak eta bestelako talde antifaxistek antolatu zuten manifestazioan. 25 urte bete berri dira ultraeskuindar batek Aitor Zabaleta realzalea hil zuenetik, eta hura gogoan, 19:00etan Bulebarretik abiatu zen... [+]