Euskal presoen aldeko Gabonetako manifestazioa Bilboko kaleetara bueltatuko da aurten

  • Iazko eten behartuaren ostean urtarrilaren 8rako jarri du zita Sarek, “Elkarbizitzarako. Bakerako. Etxerako. Bidean” lelopean.


2021eko azaroaren 08an - 12:17
Azken eguneraketa: 13:22
Argazkia: Sare

Leloaren zergatia azaldu dute Sareko ordezkariek, Bilbon eginiko prentsaurrekoan: “Honekin adierazi nahi duguna da, bizikidetzarako eta bakerako bidea egiten ari garela, etxerako bidea egiten ari garela". Presoen eskubideen errespetua bakearekin eta elkarbizitzarekin lotu ditu Sarek: "Bizikidetza ezinezkoa da euskal presoei aplikatzen zaien salbuespen-legeriak eragindako eskubide-urraketa desagertzen ez bada. Eta, etxerako bidea egiteko, espetxe-politikan hain beharrezkoa den erabateko aldaketa sustatzeko, funtsezkoa da bizikidetzaren eta bakearen bidean aurrera egitea".

Azken urtean “aurrerapausoak” lortu dira Sareren esanetan. Horiek aintzat hartu ditu, baina nahikoak ez direla adieraziz aldi berean. "%94k bigarren graduan jarraitzen du, eta hamar baino ez dira hirugarren graduan dauden presoak, egoera horretan 70 preso egon beharko liratekeenean". Pausoak ematen jarraitzeko elkarlanaren beharra azpimarratu dute, eta Bilbora joateko deia egin diete herritarrei, alderdi politikoei, sindikatuei, elkarte eta erakundeei.

 

 

 


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude