Euskal kirol selekzioen ofizialtasunaz
Euskal kirol selekzioen onarpena ez da oraiko eztabaida. Badu 50 urte kirol arduradun batzuk, guziz zangobaloiekoak eta pilotakoak, ari direla euskal kirol erakunde ofizialak sortu nahiz. Hara zein diren ofizialtasun hori lortzeko trabak eta zein litzatekeen atekatik ateratzeko bidea.
Pedro Sanchez Espainiako gobernuko presidente izendatzeko PSOEk hainbat akordio politiko behar izan ditu izenpetu. Horien artean bat EAJrekin zointan 11garren punduan gobernuburu berriak konpromisoa hartzen duen “legegintzaldian Euskadiren ordezkaritza ofizial bilakatzen kirol selekzioen bitartez..” Funtsean azken EAEko hauteskunde autonomikoetan Euskal Herria Kirola ekimenak bultzaturik, hainbat alderdi politikoek aukera izan zuten beren ikusmoldea emaiteko euskal kirol selekzioen ofizialtasunaz.
Dudarik ez gaiak baduela alde emozional sinboliko bezain politikoa EAEtik haratago, Euskal Herri osoan ere. Gauza jakina da gaia sistematikoki EAJ-PNV eta EH Bilduren alde programatikoetan agertzen dela, helburua izanki Madrilerat eta nazioarteko kirol federazioetarat eskaera politikoa eramaitea. Haatik aldi huntan bi alderdi abertzaleetaz haratago (Gazteizko parlamentuko ordezkaritza politikoaren %70a ) PSE eta Elkarrekin Podemos-IU alderdiak ere singularki hurbildu dira bakotxa bere moldean ofizialtasun eskaera horri, soilik utziz ezetzkoan bi alderdi unionista espainiar ultraeskuindarrak.
Gehiengo politikoa alde
Azpimarratzekoa da lehen aldikotz PSEk (Gasteizko parlamentuko 3 garren indar politikoa) idatziz hartutako erabakia gai huni buruz. Hauxe dio eukarazko bertsioak “Euskal Sozialistek errespetatu eta babestu egiten ditugu nazioarteko txapelketa ofizialetan parte hartzeko ekintzak abian jarri dituzten Euskadiko kirol federazioek, beren borondatez eta autorregulazioko esparru pribatuaren barruan bultzatutako ekimen guziak”. Bere aldetik Elkarrekin Podemosek hauxe dio “Argiki erakutsi nahi dugu gure babesa euskal kirolaren aldarrikapenari, haren hedapenari, ofizialtasunari eta nazioartekotzeari. Nazioarteko lehiaketetan nahi duten euskal selekzioen parte hartzea eskatzen dugu”. Lehen aldikotz hain argi mintzatzen dela Pablo Iglesiasen euskal adarra. Hau guzia aztertuta eta kondutan hartuz EAEko parlamentuko lau alderdi nagusiek hartutako posizionamenduak, ezinago argiki azpimarra daiteke euskal selekzioen nazioarteratzeko ofizialtasun eskaerak gehiengo politiko haundi bat ordezkatzen duela. Funtsean parlamentu autonomikoaren %90a.
Interesa baluke jakitea ea eskakizun horrek sustengu herrikoi berdintsua ba ote duen egiazki jendartean, zer noraino sustraitua ote den herritarren baitan, sentsibilitate politiko ezberdinetako herritarren baitan, baita bozkatzerat joaiten ez direnen baitan ere zergatik ez. Aburu ikerketa aski interesgarria balitaike egiteko, beti ere eskakizunari beste leiho bat idekitzeko.
Interesa baluke jakitea
ea eskakizun horrek sustengu herrikoia ba ote duen
egiazki jendartean,
zer noraino sustraitua ote den herritarren baitan,
sentsibilitate politiko ezberdinetako herritarren baitan.
Azpimarratzekoa da berriz ere PSEren erabakia gai huni buruz, ez baitezpada Gasteizko parlamentuko bere ordezkaritza kantitatibo edo kualitatiboari begira bainan bai haatik ikusiz alderdi berak duela gauregun kudeatzen Espainiako gobernua.
Akordioak lege bihurtzearen premia
Hau guzia erranez heldu gira berriz kronika hunen hastapenean aipatutako PSOE eta EAJ/PNVren arteko akordioarat. Akordio horren zehaztapenetan sartuz ohartzen gira Euskal selekzioen ofizialtasuna legezkoa bilakatzeko 1990a urtean bozkatutako Espainiako Kirol Legea aldatu behar duela Pedro Sanchezen gobernuak, eta hori guzia aski ez balitz bezala denbora labur barne, justu hiru urte baino gehixeago gelditzen baitzaizkio. PSOEk Madrileko kongresuan lege proiektu bat atera aintzin pentsatzekoa da lege berri horren konstituzionaltasuna bermatu nahiko duela koherentea izaitekotan bederen, hortarako beharko dituelarik lehenik hainbat estadoko aparatuetako filtro konstituzional, juridiko ta funtsean politikoak pasatu. Ikusita zer nolako indar eskuindar eta kontserbadore itsu edo okultoak badauden gaur egun oraindik Madrileko hainbat erabakiguneetan, erran daiteke sobera ezkor izan gabe, hiru urte ez dela soberakin izanen EAEko lau alderdi politikoek eta PSOE/ EAJ akordioaren 11 garren punduan adostutako eskakizun hori gauzatzeko eta lege bihurtzeko.
Eta ez dut pentsatzen hasi nahi ere Madrileko filtro mota guziak pasatu eta gaindituta gero, agian nazioarteko beste mota batzutako beste hainbeste ere pasa beharko dituela. Egiazko maratoia, hesiz betatakoa gainera. Interresgarria izanen da ikustea Euskal Herritik hea eskakizun hori, adostu eta izenpetu akordio politiko hori errealki bultzatuko eta akulatuko duten EAJ/PNVk, EH Bilduk, PSE/PSOEk eta Elkarrekin-Podemosek, bai Gasteizko parlamentutik eta bai Madrileko kongresutik. Akordioak izenpetzea gauza bat da, akordioak gauzatzea eta lege bihurtzea beste bat.
Berriz ere gai hunekin politikaren sinesgarritasuna da jokoan. Egitekoak erran eta erranak egin.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]
Nazio Batuen Batzorde batek bi urte behar izan ditu palestinar herriak hamarkadetan salatu duena berresteko: Israelgo estatu sionista genozidioa gauzatzen ari dela. Herri presioa gero eta handiagoa da gure agintarien gainean, eta nazioarteko boikotak lehen arrakalak ireki ditu... [+]
TikTok-en parafernaliatik urrun bizi naizenez, aurreko egunera arte ez nuen jakin Maria Pombo horren berri. Sare sozialek orduero aurkitzen dute kalapitarako gairen bat eta, honakoan, kristorena sortu zuten influencerrak irakurtzearen gainean egindako adierazpenek. "Esango... [+]
Telesforo Monzon laborategiak antolatutako uda eskolak euskararen etorkizunaz gogoeta egiteko plaza beroa ekarri zuen Bergarara. Hasieran, Garikoitz Goikoetxeak eta Olatz Altunak euskararen egungo egoera eta etorkizuneko joerak marraztu zituzten, eta horren gainean aritu ziren... [+]
2018ko uztailean, CAF Beasaingo enpresa batzordeak lehen aldiz eskatu zion ofizialki CAFeko zuzendaritzari Jerusalemgo tranbiaren esleipen konkurtsoan ez parte hartzeko. Momentu horretan egoerak gaurkoarekin zerikusirik ez bazuen ere, ohiko trenbide batetik harago, proiektu hori... [+]
Mundua Israel Gazan egiten ari den genozidioaren hondamendira begira dagoen bitartean, kolonoen mugimenduak eta Israelgo armadak triskantzak egin dituzte Zisjordanian eta Ekialdeko Jerusalemen. Ondorioz, palestinar gisa han bizitzea eguneroko borroka bihurtu da, biziraupenekoa:... [+]
Dena aldatu da urriaren 7an Al-Aqsa Uholde Operazioa hasi zenetik. Palestinarrok utzi diogu biktima perfektuen eta terroristen arteko nahasketa izateari, batzuek konturatu nahi ez dutela dirudien arren. Irudi lazgarrien gaindosiak, azkenik, masa handien enpatia erreala eragin du... [+]
Asteburu honetan jakin dugu, Palestinarekin Elkartasuna plataformako kideen bitartez, Israelek 33. FCI/IGP Munduko Txapelketan parte hartu duela, Gasteizen ospatu den nazioarteko txakur lehiaketa batean. Duela egun batzuk izan genuen txapelketaren berri, baina Israel ez zegoen... [+]
Badira egun batzuk Instagrameko @denuncias_euskalherria kontuan argitalpen bat agertu zela. Bertan, ama batek adierazten zuen bere alaba Bernedoko euskal udalekuetan egon zela hamabost egunez eta talde mistoetan dutxarazten zituztela 13-15 urte bitarteko nerabeak, aukerarik eman... [+]
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Jakina da poliziari esku sartzeak beti dakarrela arrisku nabaria. Bere garrantziagatik eta seriotasunagatik, kontuz aztertu beharra eta larria denez, terminologia-trabarik gabe, badaezpada.
Duela aste batzuk Ertzaintzak Azpeitian egindako esku hartzeak, bertako herritar askok... [+]
