Europako Batzordeak ikertu egingo du Zaldibarko zabortegia zergatik erori zen

  • Europako Batzordeko Ingurumen komisarioak adierazi du "kasuaren larritasuna ikusita" aztertu egingo duela ea arau hausterik egon zen.


2020ko maiatzaren 14an - 08:30

Europako Batzordeko Ingurumen komisarioa den Virginijus Sinkevicius-ek zera adierazi du Zaldibarko zabortegiaz: "epaitegi nazional edo erregionalen ardura da zabortegian arau hausterik izan zen egiaztatzea, baina kasuaren larritasuna ikusita, Batzordeak aztertu egingo du, eta Espainiako autoritateekin harremanetan jarriko da". Gehitu du "gabezia esanguratsuak antzematen direla. Arloan eskumena duten agintariek eta auzitegiek horiek detektatu, zaindu eta zigortu behar zituzten".

PPko eta Ciudadanoseko eurodiputatuek egindako galderei erantzunez egin ditu adierazpen hauek.


Kanal honetatik interesatuko zaizu: Zaldibarko zabortegiaren krisia
Zaldibarko zabortegiaren hondamendia gogoratu dute laugarren urteurrenean

Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.


Zaldibarko zabortegira hondakinak baimenik gabe isurtzeagatik Lapurdiko bi enpresa zigortu dituzte

Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.


2023-10-03 | ARGIA
Zaldibarko zabortegiaren behin-behineko zigilatzea ere Jaurlaritzak ordainduko du

Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.


Eguneraketa berriak daude