Etxeratek bere gain hartuko du presoen laguntza juridikoa eta osasun asistentzia
Aste honetan jakin da Fiskaltzak zortzi eta 21 urte arteko espetxe zigorrak ezarri nahi dizkiela presoei sostengua eman dioten 48 euskal herritarri. Egoeraren aurrean, Etxeratek aurrera pauso bat eman du: laguntza ekonomikoa helaraziko die presoen senideei, sortzen diren gastuei aurre egiteko.
Urtzi Errazkin eta Patricia Velez Etxerateko bozeramaileek adierazi dutenez, oraindik ezin da gatazka politikoen ondorioez “gaindituak baleude bezala” iraganean hitz egin: “Espainiako eta Frantziako Estatuek mendeku politikekin jarraitzen duten bitartean, ezin dugu gatazka amaitutzat eman. Urrats bat aurrera emateko ordua da”.
Ikuspegi juridikoa ardatz hartuta, bi eremutan emango dute laguntza, abokatuen bitartez. Alde batetik, presoak aske geratu eta etxeratzeko egin litezkeen ekimen juridiko guztiak jarriko dituzte martxan, “preso bakoitzaren errealitatea kontuan hartuz”. Ildo beretik, presoen oinarrizko giza eskubideak babestu eta espetxeetako bizi baldintzak hobetzen saiatuko dira.
Osasun asistentziaren eremua izango da bigarren indar gunea: asistentzia fisikoa eta psikologikoa eskainiko dute. Kolektiboak zehaztu duenez, euskal presoen kopuruak behera egin duen arren, beharrak esponentzialki areagotu dira. Une honetan, Etxeratek emandako datuen arabera, 312 dira presoak: 91 presok nolabaiteko gaixotasuna dute, eta horietatik hamahiru larri daude. Egoera berean beste zortzi preso daude, beraien identitatea ezkutuan mantendu nahi dutenak. Kartzelak osasunean ondorio zuzenak dituela nabarmendu dute bozeramaileek: “Gaixo dauden presoak espetxe zigor luzeen ondorioz daude egoera honetan”.
Gizartearen inplikazioa beharrezkotzat jo dute erronka berri honek ekarriko dituen gastuei aurre egiteko. Horretarako, Etxerat lagun ekimena abiarazi dute, herritarrek ekarpenak egin ditzaten. www.etxerat.eus webgunean aurki daiteke informazio guztia.
Hurrengo hilabeteetan eragile politiko, sindikal eta sozialekin elkartuko dira. Baita kirol eta kultura munduko erreferentziazko pertsonekin eta Elizarekin ere. “Apustu erabakigarri honetan inplikatzea garrantzitsua dela eta bakerantz eta gatazkaren ondorioen behin betiko ebazpenerantz urrats atzeraezin bat ematen laguntzeko eskatuko diegu”, adierazi dute.
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Hirugarren graduan dagoen preso baten eta bere ilobaren mendi bueltan girotutako laburmetraia aurkeztu du Hatortxurockek. Kalera irteten diren presoei harrera duina emateko beharra aldarrikatu nahi dute lan honekin.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]