Etxeko lanak ordainduko balira Barne Produktu Gordinak %23,4 egingo luke gora Katalunian
BPG horren bi heren lortuko litzateke emakumeen eskutik, gizonen lan bikoitza egiten baitute etxean.
Ikerketa egin dute Emakumearen Behatokiak, Bartzelonako Merkataritza Ganberako Enpresa eta Ekonomiak (ODEE) eta Emakumeen Institutuak, jakiteko zein den etxeko lanek eta zaintzak duten balio ekonomikoa, baita erakusteko ere gizon eta emakumeen artean lanak banatzerakoan dagoen desoreka.
2015eko soldaten kopuruak hartu dituzte kontuan kalkuluak egiteko eta ordua zazpi euro gordin kontatu dute. Hala, etxeko lanak eta zaintza ordainduko balira, Barne Produktu Gordinak gutxienez %23,4 egingo luke gora, hau da, urtean 50.321 milioi euro.
Barne Produktu Gordinaren bi heren emakumeek osatuko lukete. Kataluniako ikerketaren arabera, emakumeak egunean hiru ordu eta 54 minutuz aritzen dira etxeko lanetan eta zaintzan, eta gizonak bi ordu eta bi minutuz.
Etxean berdin arituko bagina, emakumeek eurotan %25 gehiago irabaziko lukete
Alegia, gizon eta emakumeek egunero etxeko lanetan ordu kopuru bera egiteak, esan nahiko luke emakumeak lan munduan aritzeko denbora eta aukera gehiago izango lituzkeela eta denbora horretan ordainduzko lanean arituko balitz, urtean 2.759 euro gehiago irabaziko lituzkeela.
Opariak erosteaz batik bat emakumeak arduratzen direla diote azterketek. Durangoko Azokan murgilduta eta Gabonak gertu, gai aproposa dirudi inkestek erakusten duten errealitateaz, gizonek jartzen dituzten aitzakiez eta emakumeek duten "zama mental ikusezina"... [+]
Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur... [+]
Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.
Jostailuen interneteko iragarkiek genero rol eta estereotipo gehiago erreproduzitzen dituzte, telebistako iragarkiek baino. Hori da Kataluniako Ikus-entzunezkoen Kontseiluak egin duen txostenaren ondorioetako bat. Hamar estereotipo errepikatuenak zerrendatu dituzte, horien... [+]
Naiara Vink EHUko ikerlariaren doktoretza tesiak agerian utzi du Espainiako Estatuko emakumezko berriemaile eta aurkezleek bizi duten presio estetiko sexista. Zein da egoera Euskal Telebistan eta nola irauli daiteke? Sei euskal kazetariri bota diegu galdera.