Etxe kaleratzea gauzatu dute Donostiako Ategorrietako 43. zenbakian
Asteazken goizerako zeukan etxe kaleratze agindua Donostiako Ategorrieta kaleko 43. zenbakian bizi den bikote batek. Etxebizitza Azora funts putrearen jabetzakoa izatera pasa ostean alokairua igo zieten, eta ezin izan diote igoerari aurre egin. Goizeko 09:30etik herritarrak etxe parean mobilizatu dira, kaleratzea gelditzeko helburuarekin. 11:00ak pasata, kaleratzea gauzatu dute.
aurre egingo dieten hedabide independenteak
Azorako maizterrak elkarteak, Kaleratzeak STOP eta Alokairu Bentaberrik iragarri bezala, Azora funts putreak aurrera jarraitu du Donostiako Ategorrieta kaleko 43. zenbakian martxoaren 16rako agindutako etxe kaleratzearekin. Kaleratzearen aurrean, eta berau gelditzeko xedez, aipatu eragileek mobilizatzera deitu dituzte herritarrak; deialdiarekin bat egin du Saretxe Groseko Etxebizitza Sindikatuak ere.
Goizeko 10:00etarako zegoen aginduta kaleratzea, eta 09:30etarako zegoen hitzartuta kaleratzea oztopatzeko deialdia. Ordu horretarako, hainbat herritar bertaratu dira, baina Ertzaintzak ez die atarira hurbiltzen utzi Garako kazetari Maddi Txintxurretak bertatik informatu duenez. Txintxurretak jasotako irudietan ikus daiteke nola momentu batean Polizia protestan zirenei oldartu zaien. Lurrera bota eta esku-burdinak jarri dizkiote gizon bati, atxilotuaz.
Ategorrietako bizilagun batzuk kaleratzeko Ertzaintzaren dispositiboa. Agenteek ez diete uzten kaleratzea ekiditera etorri diren herritarrei portalera gerturatzen. @naiz_info pic.twitter.com/X5elaJirMA
— Maddi Txintxurreta (@mtxintxurreta) March 16, 2022
10:30ak izateko minutu gutxiren faltan, zenbait pertsonak igaro dute Ategorrietako 43. ataria, eta Ertzaintzak kontrakoa adierazi arren, herritarren artean Batzorde Judiziala izan daitekeenaren susmoa sortu da. Geroxeago hala dela baieztatu du kaleratua izatear den bizilagunetako batek. Txintxurretak egindako zuzeneko jarraipenaren bidez argitara emandako informazioaren arabera, momentu batez bi aukera jarri dira mahai gainean: asteazkenean bertan gauzautzea etxe kaleratzea, edo maizterrei epe-tarte bat ematea beren gauzak etxetik ateratzeko. 11:00ak pasata, ordea, kaleratzea gauzatu dela jakinarazi da.
Iñaki Setien eta Rosa Mari Arratibel dira etxe kaleratu dituzten bizilagunak, Donostitik atari digitalak jaso duenez. Iturri berak jakinarazitakoaren arabera, Arratibelen familia 1923tik bizi izan da etxebizitza horretan, eraiki zen momentutik, alegia. Eraikina Azora funts putrearen jabetzakoa izatera pasa da ordea, eta %33ko igoera ezarri diete maizterrei alokairuan. Igoera horri ezin aurre egiteagatik kaleratu dituzte Setien eta Arratibel beren etxebizitzatik.
Kaleratzeak STOP plataformako bozeramaile Rosa Garcíak bertaratutakoei dei egin die udaletxera joateko.
Hainbat familia arriskuan
Setien Azorako Maizterrak-eko presidente da, Azora funts putreak kaltetutako herritarrak biltzen dituen elkartea. Izan ere, Azorak Inmobilia Vascongada erosi zuenetik, 300 familiaren bizilekuak funts putrearen eskuetan egotera pasa dira. Etxe kaleratzea gelditzera deitu duten eragileek prentsa oharrean zehaztu dutenez, elkarte horren atzean "beste hamar familia umiletik gora daude kontratua iraungita daukatenak eta patu bera izan dezaketenak".
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]