Errumanian ez dute atzerapausorik nahi ustelkeriaren kontra
Bloke sozialista desegin zutenetik ez dituzte hain protesta handiak bizi izan Errumanian. Ustelkeriaren kontra atera da jendea kalera. Iragan asteko asteartean Gobernuak dekretuz onartu zuen neurriak arindu egiten zituen ustelkeriaren kontrako zigorrak: 44.000 eurotik beherako “kalteak” egin zituzten horiek ez zuten joan beharko kartzelara. Aldi berean, kartzela oso beteta daudela argudiatuz, delitu txikiak —horien artean ustelkeria— egin zituzten 2.700 preso amnistiatu nahi zituen Gobernuak.
Herritarrez gain, oposizioko alderdiak, ustelkeriaren kontrako fiskaltza eta Europako Batzordea azaldu dira dekretuaren kontra. Errumaniako presidente Klauss Iohannisek ere babesa adierazi die manifestariei. Gobernuak atzera bota zuen dekretu polemikoa protestak hasi eta lau egunetara, baina manifestariek ez dute nahikoa izan horrekin. Gobernuaren dimisioa eta hauteskundeak aurreratzea eskatzen dute gauero, eta datorren asterako ere protestak deitu dituzte.
Alderdi Sozialdemokratak (PSD) iragan abenduan irabazi zituen hauteskundeak bozen %45,2arekin. Baina alderdiko lider Liviu Dagneak ezin izan du lehen ministroa kargua hartu hauteskunde iruzurragatik (2012an) eta eroskeriagatik. Dekretuarekin, Dagnea amnistiatu eta lehen ministro kargua hartzea bilatuko luke PSDk.
Errumaniak azken urteetan ustelkeriaren kontrako kanpaina zorrotza abiarazi du. Gainera, Europako Batasuna gainean eduki du 2007tik; bertan sartu ahal izateko ustelkeriaren kontrako jarrera minimo bat eskatzen dio. Dekretu horrek, ordea, azken urteetako dinamikan atzerapauso bat dakar.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]