Erriberako hainbat gazte talde tiro-poligonoaren kontra elkartu dira lehen aldiz

  • Tafallaldeko eta Erriberako hamabi gazte elkartek elkarlanean jarri dute abian Ager Vasconum ekimen antimilitarista. Bardea desmilitarizatua eta ingurumena errespetatzea aldarrikatzen dute.


2021eko apirilaren 26an - 11:46
Ager Vasconumen aurkezpena. Argazkia: ahotsa.info.

Hamabi gazte elkartek hartu dute parte ekimenaren sorreran: Tuteran Jai!
, Kaparrotsuko Gazte Asanblada
, Tafallako Gazteak, Erriberriko Oihua
, Azkoiengo Gazteria
, Igeltsu (San Adrian, Azagra, Andosilla eta Carcarreko gazteak), Martzilla, Zarrakaztelu eta Figarolgo gazteak
, Artaxoako Gazte Asanblada
, Aldapa gazte asanblada (Sesma) eta Larragako Gazte Asanblada.

Larunbat arratsaldean prentsaurrekoa egin dute Yugoko Gure Amaren baselizan, Bardeako begiratokian, Ager Vasconum ekimen antimilitarista aurkezteko. Ekainaren 26an, 11:00etan, Bardeako informaziogunetik egingo den gazteen ibilaldira joateko deia egin dute, "Bardea herriarentzat - Beren planetara joan daitezela" lemapean.

Badira 70 urte maniobra militarrak egiten dituztela Bardeako Biosferaren Erreserban. Ohikoak dira bonba eta hegazkin militarren zaratak. Aldiz, Espainiako Gobernuako Defentsa ministro Margarita Roblesek Kongresuan ukatu berri ditu.

Naiz hedabideak  bat egin duten gazteen esanak jaso ditu: "Erriberako eta Erdialdeko gazteak gara, Nafarroa errebeldeko herrietakoak eta tiro-poligono horren aurka gogor borrokatuko dugu, gure lurraren kontra eta jende xumearen eta langileen aurka erasotzen duen guztiaren aurka borrokatzen dugun bezala".

Erriberako gazteek adierazi dute poligonoa Biosferaren Erreserban, Bardean, kokatzea "ekologiaren aurkako eraso argia" dela, baita haren inguruan bizi diren biztanleen aurkakoa ere, "gure landaredian eta faunan eragin zuzena izateaz gain, kutsatzeko arrisku handia baitago, maniobra militarretan erabilitako materialen ondorioz".


Kanal honetatik interesatuko zaizu: Antimilitarismoa
Nola obedituko diot eroari

1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.


Bonbak eta munizioa jaurtiko dituzte aste guztian Bardeako tiro poligonoan

Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]


Yurii Sheliazhenko kontzientzi eragozlea libre utz dezala eskatzen diote Ukrainako Gobernuari

Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.


2023-04-05 | Uriola.eus
Abian da gastu militarraren aurkako eragozpen fiskalaren kanpaina

Asteartean hasi dira gerra finantzatzeko onartzen den gastu neurrigabea salatzeko ekintzak, ‘Gastu militarrik ez’ lemapean.


Eguneraketa berriak daude