ARGIA.eus

2020ko ekainaren 02a

Errenteriako Udalak internet eta ordenagailuak jarri ditu premia duten ikasleen eskura

  • Haur eta gazteen hezkuntza eskubidea bermatzea du helburu Errenteriako Udalak. Teknologia arrakala leundu asmoz, interneterako konexioa bermatuko duten 110 SIM txartel eta 41 ordenagailu banatuko ditu etxez-etxe.

     

ARGIA @argia
2020ko apirilaren 02a
Udal langileek interneteko konexioa bermatuko duten 110 SIM txartel eta 41 ordenagailu banatuko dituzte etxez-etxe / Errenteriako Udala

Alarma egoeraren ondorioz, Eusko Jaurlaritzaren aginduz ikastetxe guztiak itxi dira eta online hasi dira klaseak ematen. "Egoera honen aurrean, teknologia arrakala tarteko, zaurgarria den kolektibo bat identifikatu du Udalak herrian, momentu honetan hezkuntzarako berdintasun eskubidea urratua zaiona", azaldu du Errenteriako Udalak.

Behar handiena duten ikasleen identifikazioa herriko LH eta DBH-ko ikastetxe guztiekin elkarlanean burutu dute. Eskola presentzialak hasi bitartean udalak ikasleon esku jarriko dituen ordenagailuez gain, ikastetxeek ere haien baliabideak eskainiko dizkiete ikasleei. "Zerbitzu honen onuradunak, ikastetxetik proposatzen dioten ikasketa-sistema jarraitzeko gai ez diren ikasleak izango dira eta Udalak ikasle bakoitzaren ikastetxeko zuzendaritzarekin kontrastatuko du behar hori erreala den ala ez".

Udalak jakinarazi du SIM txartelak IZARKOM telekomunikazio kooperatibaren ekimenari esker erosi ahal izan dituela, ikasleen behar zehatzei erantzuteko SIM txartel bereziak jarri dituelako eskuragarri.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errenteria  |  Internet  |  Koronabirusa

Errenteria kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude