Erasoen kronograma eta hildakoak
Parisko sei lekutan egon ziren erasoak eta orain arte emandako informazioaren arabera, erasotzaileek 129 pertsona hil zituzten eta 352 zauritu, hauetatik 80 oso larri daude.
Saint-Denis, Frantziako Estatua (21:20). Hiru eraso egon ziren lehergailuak eztandarazita futbol zelaiaren inguruetan, 21:20an, 21:25ean eta 21:53an. Lehen erasoan bi pertsona hil zien, horietako bat erasotzaile kamikazea. Bigarren eta hirugarren erasoetan erasotzaileak hil ziren. Frantzia eta Alemaniako selekzioak ari ziren une horretan zelaian. François Hollande Errepublikako lehendakaria bertan zegoen eta helikopteroz atea zuten.
Le Petit Cambodge jatetxea eta Le Carillon taberna (21: 25). Bichat eta Alibert kaleetako izkinan diren areto hauetan hasi ziren su-armez egindako erasoak. Fusil automatikoez tiro eginez 14 pertsona hil zituzten bertan.
La Casa Nostra pizzeria (21:32). Faubourg du Temple eta Fontaine ou roi kaleen artean da pizzeria eta bertako terrazan ziren bost pertsona hil zituzten metrailetaz egindako tiroz.
Voltaire boulebarda (21:43). Errublikako Plazatik gertu, erasotzaileetako batek gainean zeraman lehergailua lehertarazi zuen, bere burua hilez.
La Belle équipe jatetxea (21:48). 11. barrutiko Charonne kaleko jatetxe honetan gutxienez bi pertsona tiroz aritu ziren bizpahiru minutuz eta 18 pertsona hil zituzten.
Bataclan aretoa (21:49). Dirudienez, hiru erasotzaile ziren eta bi orduz bahituak izan zituzten bertan zirenak. Denbora horretan 89 pertsona hil zituzten tiroz. Segurtasun indarren sarrerarekin amaitu zen erasoa gauerdian. Erasotzaileek lehergailu-gerrikoak lehertarazi zituzten eta bertan hil ziren.
Pierre Conesa (1948) Frantziako Defentsa ministerioko goi-funtzionario erretretaduna elkarrizketatu du Afrique-Asie hilabetekariak uztail-abuztuko zenbakian, Bartzelonako gertakizunak baino lehen. Pasarte txiki bat euskaratu dugu, non Afganistango gerratik gaur arte luzatu den... [+]
Parisko multzo hilketa odoltsuen ondotik, hona Brusela, bihotzean kolpatua: Dante miresgarriaren infernuko aurreneko kapituluetan igeri zebiltzala, uste bide zuten hiritarrek Zaventemeko aireportuan edo Maelbeek metro geltokian harrapatuak suertatu zirenean: “Hemen sartzen... [+]
Askotan iragarri eta beste hainbestetan gezurtatutako albistea asteazkenean bihurtu da egi: Christiane Taubira Frantziako Justizia ministroak dimititu egin du.
Astelehenean martxan jarritako Europako Terrorismoaren Aurkako Zentroko buru izango da Manuel Navarrete Guardia Zibileko koronela. “Terrorismoaren aurkako borrokan" duen esperientziagatik aukeratu dute: 1985ean abiatu zuen karrera Intxaurrondoko kuartelean.
Montpellierreko (Okzitania) auzitegiak atzera bota du Beziers hiriko alkateak herritarren milizia osatzeko abenduaren 1ean argitaratutako udal araua. Fronte Nazionalaren gertukoa den Robert Menard alkatearen enegarren erabaki polemikoa izan da.