Christiane Taubira Frantziako justizia ministroak Le Parisien egunkariari eskainitako elkarrizketan azaldu du litekeena dela zifra horretara heltzea familia eta zuzeneko kaltetuentzako kalte-ordainak. Taubirak gaineratu du dagoeneko hildakoen familiei eman dizkietela 6,7 milioi euro biktimentzako berme-funtsetik, eta 771.000 euro gastatu dituztela zauritu eta familiakoen garraioan eta hauei ostatu ematen.

Biktimek, euren nazionalitatea kontuan izan gabe, hamar urteko epea dute kalte-ordainak eskatzeko. Hauek, kalte fisiko eta materialak hartzen dituzte barne. Biktimentzako berme-funtsak bere webgunean zehazten ditu eskaria egiteko baldintzak. Kaltetuak “gerrako biktima zibiltzat” hartuko dira. Justizia ministroak azaldu du atentatuen egunetik azaroaren bukaera arte 11.000 dei jaso zituztela.