Epaitegiaren eskumen arazo bat medio, Xabi Alonsoren aurkako epaiketa atzeratu da

  • Madrilgo Fiskaltzak bost urteko kartzela zigorra eskatzen du futbol jokalari ohiarentzat, 2010, 2011 eta 2012. urteetan Ogasunari iruzur fiskala egitea egotzita.

Iņigo Igartua @igartua19
2019ko urtarrilaren 23a

Asteartean hasi behar zen Xabi Alonsoren aurkako epaiketa bertan behera utzi du Madrilgo Probintzia Auzitegiak, kasua epaitzeko eskumena epaitegiak berak duen zalantzan jarri baitu.

Espainiako Ogasunak egindako salaketaren arabera, futbolari ohiak bi milioi euroko iruzurra egin zuen. Hasieran, Madrilgo Instrukzio Epaitegiak ez zuen deliturik ikusi, baina Madrilgo Fiskaltzak helegitea jarri zuen eta epaileak auzia berriro irekitzeko erabakia hartu zuen.

Epaitegiaren erabakia jakin ostean Alonsok adierazi duenez, “ziur nago gauza guztiak ondo egin ditudala, hasieratik lagundu dudala eta inoiz ez dudala ezer ezkutatu, defenditu beharra dut eta justizian konfiantza izan”.

“Horregatik iritsi naiz honaino, eta amaieraraino jarraituko dut borrokan”, gaineratu du futbol jokalari ohiak.

Egun gutxitan jakinaraziko da epaiketarekin jarraitzeko data berria.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iruzur fiskala  |  Futbola

Iruzur fiskala kanaletik interesatuko zaizu...
Azkenak
EGILEA
Eguneraketa berriak daude