Epaiketara ez aurkeztea erabaki du Huerta Peraltako borrokan auzipetu duten LAB sindikatuko kide batek
José Javier Osesek epaiketa du uztailaren 2ko asteartean. Ez aurkeztea erabaki du, “epaitutakoa prekarietatearen erregimena” izan beharko litzatekeela iritzita. LABek manifestazioa deitu du egun berean Iruñean, “borroka sindikala aurrera” lelopean.
aurre egingo dieten hedabide independenteak
José Javier Oses LABeko sindikalista epaiketara deitua dago gaur. “Desobedientzia” delitua egozten diote Nafarroako Foruzaingoak eta fiskaltzak, Huerta Peralta enpresako lan-baldintza makurren aurka eta greba eskubidearen alde egindako mobilizazioen testuinguruan. 2.880 euroko isun eskaera du. Osesek epaiketara ez aurkeztea erabaki du: “Desobedientzia leporatzen didate, desobediente izaten jarraituko dugu. Justizia patronalari planto egingo diogu. Ez naiz epaiketara aurkeztuko egin duguna justua delako. Prekarietatearen aurka eta gure eskubideen alde borrokatu dugu. Gauzak aldatzeko gure ilusioa hil nahi dute”.
LABen arabera, sindikalistak epaituak izaten ari diren bitartean ehunka enpresarik lan-legeria urratzen dute inpunitate osoz. Sindikatuak azpimarratu du Foruzaingoa eta fiskaltza izan direla prozesu hau abiatu dutenak: “Non daude polizia ezberdinak, Fiskaltza eta Lan Ikuskapena lan-hitzarmenak urratzen direnean? Non, gure eskubideak urratzen direnean? Non daude langileak hiltzen direnean segurtasun neurriak ez betetzeagatik? Gu jipoitzen, kikiltzen eta sumisioa eta beldurra zabaltzen, Nafarroan inposatu diguten prekarietatearen erregimena sendotzeko”.
Hiru prozesu epaitegietan
Huerta Peralta enpresan aurreko urte amaieran eta honen hasieran garatutako borroka sindikalak ondorio errepresiboak utzi ditu langileentzat. Hiru prozesu penal daude irekiak. Osesen aurkakoa epaiketara heldu den lehena da. Bigarren batean fiskaltzak urte beteko espetxe zigorra eskatu du LABeko bi kideren aurka. Hirugarren prozedura da eskaera aldetik larriena. Huerta Peraltako langile migratzaile baten aurka bi urte eta sei hilabeteko espetxe zigorra, 2.500 euroko isuna eta Espainiar Estatutik bost urtez kanporatzea eskatzen du fiskaltzak.
Oro har sindikalgintzaren aurkako jazarpena eta zehazki LAB pairatzen ari den errepresioa salatzeko “borroka sindikala aurrera” kanpaina abiatu du sindikatu abertzaleak. Astearte honetarako eta Osesen epaiketa egunarekin bat eginik, lelo horrekin deitu du manifestazioa Iruñean.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
