Energiaren Nazioarteko Agentziak trantsizio ekologikoa sostengaezina dela ohartarazi du

  • Azken hiru urteetan material arraroen ustiaketa industriaren ingurumen-eragina asko handitu dela adierazi du agentziak, uraren kontsumoa bikoiztu delako, hondakin kopuruak ugaritu direlako, eta berotegi-efektua ekartzen duten gasen isuriek " oso maila altuan" jarraitzen dutelako.

AIEk meatzaritza industriak arrisku handiak ekar ditzakeela abisatu du. Argazkia: DF

2023ko abuztuaren 18an - 08:00

Energiaren Nazioarteko Agentziak (AIE) trantsizio energetikorako beharrezkoak diren lur arraroen baliabide geologikoetan interes ekonomiko handia duten 20 meatzaritza enpresen txosten publikoak ebaluatu ditu, eta nahiz eta inbertsioan, segurtasunean eta genero-politiketan hobekuntzak ikusi, ingurumen-jasangarritasunean ez dago aurrerakuntzarik.

Berotegi-efektuen gasen emisioak “oso maila altuan” jarraitzen dutela adierazi du agentziak, uraren beharra bikoiztu egin da, eta erauzketaren ondorioz sorturiko hondakinak bost gigatoneladara iristen dira gaur egun. Mineral-hornikuntzaren zati handi bat “ingurumen, gizarte eta gobernantza puntuaketa baxua duten tokietatik” etortzen direla adierazi du AIEk, eta beraz, industria horrek ezin  omen ditu bermatu "kopuru garbiak eta arduratsuak”.

Thijs Van de Graaf, txostenaren egileetako bat, orain planteatu den bezala jarraitzen bada trantsizio energetikoak “arrisku handiak” ekarriko dituela adierazi du, bai “sozialak, ingurumenekoak, eta gobernantzakoak”. AIEk 2021ean adierazi zuen moduan, garapen maila honetan jarraitu nahi bada, lur arraroen ustiapena zazpi aldiz igo beharko litzateke, nikelarena hemeretzi aldiz, kobaltoarena 21 aldiz eta litioarena 42 aldiz. Neurri horretan jarraitzeak ezinezko egiten du energia berriztagarrien ezarpena, agentziaren txostenaren arabera.

 


Kanal honetatik interesatuko zaizu: meatzaritza
2024-01-18 | ARGIA
Nafarroako Gobernuak Baztango Erdiz inguruan magnesita meategia eraikitzeko plana onartu du

Nafarroako Gobernuak asteazken honetan onartu du proiektua udalerriz gaindiko eragina duen plan modura (UGEP), eta horren ondorioz, Magnesitas Navarras SAk 25 urtez ustiatu ahal izango du Erdizen ireki nahi duen meatzea.


Norvegiak atea ireki die meatzaritza enpresei Artikoko itsas sakona arpilatzeko

Ozeanoaren sakonean dauden mineralak ustiatzeko urrats garrantzitsua egin du Norvegiako Parlamentuak: baimena eman du meatzaritza enpresek itsas sakona esploratu eta komertzialki ustiatu dezaten, gizakiak ukitu gabe duen munduko azken tokia. Zientzialariak eta ekologistak... [+]


Mineralen erauzketa laukoiztu egin beharko litzateke auto elektrikoen eta eolikoen eskaria asetzeko

Energiaren Nazioarteko Agentziak egindako txosten baten arabera energia berriztagarrien bidez planetaren berotze globala 1,5 gradura mugatzeko helburua lortzeko, kobrea, nikela, litioa eta kobaltoaren ekoizpena 2030 urtean ia lau aldiz handitu beharko litzateke.


2023-04-26 | Leire Artola Arin
Paolina Albani, kazetaria
“Organizazio kriminal gisa jokatzen ari da meatzaritza enpresa”

Guatemalarra da Paolina Albani. 33 urte ditu, eta 2021etik Prensa Comunitaria hedabide digitalean kolaboratzen du. Buru-belarri dabil nazioarteko Mining Secrets azterlanarekin: 8 milioi dokumentuko filtrazio bati esker, herrialdeko lakurik handiena kutsatu zuen meatzaritza... [+]


Eguneraketa berriak daude