Zangozako meatze polemikoa aurrera ateratzeko legea moldatzea eskatu du Nafarroako Gobernuak
Nafarroako Gobernua ezustean harrapatu du Zangozako Muga meatze proiektuari Justiziaren arlotik emandako ostikadak. Hala onartu du Mikel Irujo Trantsizio Ekologikoko kontseilariak. Espainiako Meatzeen Legea aldatu beharko litzatekeela esan du eta ez du argitu Nafarroako Justizia Auzitegi Nagusiaren epaiari helegitea jarriko ote dioten.
Euskal Herriko eta Espainiako Estatuko meatze proiektu handiena da Zangozan eta ondoan dituen Aragoiko hainbat herritan aurrera eraman nahi duten potasa ustiatzeko Muga proiektua. Nafarroako Justizia Auzitegi Nagusiak foru erkidegoko ustiaketa baimena bertan behera uztea ez da, hortaz, txikikeria bat.
Irujok ez du argitu epaiari helegitea jarriko ote dioten, "xehetasunez aztertzen" ari direla esan duen arren
Nafarroako Gobernuko Trantsizio Ekologikoko kontseilari Mikel Irujok asteazkeneko Gobernu kontseiluaren ondorengo prentsaurrekoan lehen balorazioa egin du eta proiektuaren tramitazioan egindako kudeaketa defendatu du. Hala ere, onartu du proiektu bakarrarentzat hiru baimen eman direla eta Espainiako Meatzeen Legeak halako zerbait egitea eragotzi dezakeela interpretazioen arabera, auzitegiak esan duen moduan.
Baina segidan "konstituzioaren aurrekoa" den 1973ko lege horren kontra egin du eta esan du aldatu egin beharko litzatekeela. Era berean, Nafarroako Foru Erkidegoaren eskumena defendatu du meatzeen arloari dagokionez. Irujok, baina, ez du argitu epaiari helegitea jarriko ote dioten, "xehetasunez aztertzen" ari direla esan duen arren.
Zangozako Udalak "ez zekien ezer"
Justizia auzitegiaren epaiak erreakzio gehiago eragin ditu. Zangozako Udalak oharra kaleratu du bere iritzia ematen eta adierazi du ez zekiela "emakida arriskuan jar zezaketen arazoak zeudenik".
Azaldu du udalak ez duela "inolako zerikusirik" orain arte egindako kudeaketa eta tramitazioekin eta Nafarroako Gobernuko ordezkariekin biltzeko eskatuko duela. Nolanahi ere, "estrategikoa" iritzi duen proiektua aurrera ateratzen ahaleginduko dela berretsi du Zangozako Udal Gobernuak (UPNren esku), gobernuarekin eta enpresa sustatzailearekin "batera".
Zangozan, Herri Onurako Mendietako hamabi lur zati erabiliko dituzte meatzea egiteko eta norbanakoen beste hogei partzela edo terreno espropiatuko dituzte, udalaren eskariz.
50 kilometroko galeriak lurpean
Muga potasa meatzea Geoalcali enpresak bultzatzen du eta Australiako burtsan kotizatzen duen Highfield Resources multinazionala dago bere atzean. Duela hilabete inguru akordioa sinatu zuten hainbat multinazionala txinatarrekin proiektua finantzatzeko.
Proiekturako 600 milioi eurotik gorako inbertsioa behar dela kalkulatu du Geoalcalik. 30 urtez, urtean milioi bat tona potasa erauzi nahi dute lurpetik eta horretarako 3 kilometroko arrapalak eraiki nahi dituzte, 350 metroko sakoneratik hasita 50 kilometroko luzera duten galeriak zabaltzeko Zangozan eta Aragoiko Bal d'Onsellan barrena.
Geoalcalik 30 urtez, urtean milioi bat tona potasa erauzi nahi ditu lurpetik eta horretarako 3 kilometroko arrapalak eraikiko ditu, 350 metroko sakoneratik hasita 50 kilometroko luzera duten galeriak zabaltzeko
Herritarrek osatutako plataformek eta talde ekologistek salatu dute meatzeak sismizidadea areagotuko lukeela Esa urtegitik gertu dauden lurretan, lur hondoratzeak ere eragingo lituzkeela eta egunero 500 kamioiren garraioa jasan beharko luketela inguruko herrietan, minerala Bilboko porturaino eramateko, horrek dakarren kutsadurarekin.
Denera, urtero lau milioi tona hondakin sortuko lituzke meatzeak; hondakin horiek pilatzeko milioika metro kuboko mendi muino handi bat sortu beharko litzateke Zangozako herri lurretan. Ur erabilera ere itzela izango dela diote, 165.000 pertsonek gastatzen dutenaren adina ur beharko du proiektuak, urtero, potasa erauzteko.
Plastiko kutsadurari konponbide bat adosteko goi-bilera zikloa bukatu berri dute, Hego Koreako Busan hirian iragandako bosgarren gailurrean ere porrot eginda: hitzarmenik adostea ez dute lortu, nagusiki plastiko esportatzaile handiek negoziaketak oztopatu dituztelako. Bitartean,... [+]
Ribabellosan 300 megawatioko gaitasuna duen eskala handiko datu zentroa eraikitzen ari da Merlin Propertiers enpresa madrildarra. Milaka milioi euro ari da gastatzen Iberiar Penintsula osoan, ustez puntako teknologia “jasangarria” duten baina elektro-intentsiboak... [+]
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.
Azken hamar urteetan turismoak eragindako CO2 isurketen emendioa ekonomia orokorrarena baino bi aldiz handiagoa izan da. Nature Communications aldizkari zientifikoak abenduaren 10ean plazaratu ikerketaren emaitzak dira.
Hizkuntza matematikoa ondo ulertu eta interpretatzeak badu garrantzia ikasketa prozesuan; horixe esan ohi diegu guk geure ikasleei, bederen. Matematiken lengoaia unibertsala da, eta oro har, interpretaziorako errore marjina txikia izan ohi da. Nekez marraztuko genuke hiruki bat... [+]
Getarian (Gipuzkoa) itsasoratu berri dute Euskal Herriko lehen itsas zabaleko arrain haztegia. 50 metroko diametroa eta 40 metroko sakonera duten bi kaiola jarri dituzte, eta itsasoko baldintzetara ongi egokitzen badira, aurtengo udan 50 hegalabur (atun gorri gisa ere ezaguna,... [+]
Bide honetatik jarraituta, mende amaierarako, 5.000 milioi pertsona baino gehiago biziko dira lur idorretan. Arazo humanitario, ekonomiko eta sozial ugari eragingo lituzke horrek.
GES-Global Energy Services enpresak eguzki bidezko energia sortzeko proiektua hasi du Erriberrin, Euskal Herriko handienetakoa. 50 MWp-ko potentzia izango du, eta 74.000 eguzki panel izango ditu guztira, instalazioak datorren urtea amaitu baino lehen martxan jartzea aurreikusten... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
Zeruka, zeru bete on dakar zerukak. Zeruka, magitxa, magintxeta, mihauria, magina, baina, ilar-axala, mantxa, teka edo, ezagunena, leka. Lekak barruan dakarren leka-gauza, leka-bihia, lekalea edo lekazia bezalako jaki ederrik ba al da negua goxatzeko? Pertzak bete lekari,... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]
Gaua da. Zuhaitzetan geratzen diren hosto gutxien artetik igarotzen da ilargiaren argia. Isiltasuna da nagusi. Txoriak sasi artean daude, babestuta lo, lo-edo. Baina bat batean zerbaitek kolpatu du sasia. Txori gehienak izutu diren arren, izoztuta bezala geratu dira, isilik... [+]
Finerge enpresak Beizaman eta Bidania-Goiatzen bederatzi makro-eoliko jarri nahi ditu, 229,5 metrokoa bakoitza, guztien artean 45-50 MWko potentzia izango luketenak. Haize-erroten artean sei errepide eraikiko lituzkete eta horrek Errezilgo lurrak ere hartuko lituzke. Beizama eta... [+]
Astearte honetan onartu dute otsoaren babes egoera murriztea, espeziearen kudeaketa malgutzea eta landa-eremuko interesak babestea argudiatuta. Zorrotz babestutako espezieen zerrendatik, babestutako espezieen zerrendara pasatzea erabaki du Europako Kontseiluaren Bernako... [+]
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.