Espainiako gobernuak energia berriztagarriekiko hartu duen jarrera kritikatu du Juan López de Uraldek lamarea.com-en idatzitako artikulu batean. Madrildik arazo ekonomiko soil gisa planteatu badute ere, espainiar estatuan berriztagarriei beti oztopoak jarri zaizkiela esan du.
Gobernutik energia garbiak garestiak direla diote, baina López de Uraldek dioenez, produktoreek boterea ez galtzeko egindako erasoak dira. Bere ustez, ematen dituzten onurei begiratu ere ez diete egiten. Egoera ekonomikoarekin larrituta dabilen jendartean eragina izaten ari dela gaineratu du, eta gastu altua duela argudiatuz eguzki energia baztertzen ari direla.
Autokontsumoak ere, beste laguntzarik gabe emaitza onak eman dituela dio artikulugileak. Horrela, norbera bere energiaren sortzaile bilakatzen du, gastatu ez dena sare elektrikoari ematen dio, eta bueltan, sortutakoa nahikoa ez denean sare elektrikoak ematen dio.
Autokontsumoaren arrakastak beste batzuei galerak eragiten dizkie, ordea. “Oligopolio energetiko nagusiak ez dio autokontsumoari erraz garatzen utziko. Interes gehiegi dago egungo energia ereduari lotuta, garatzen jarraitzen uzteko”, esan du Juan López de Uraldek.
Energia berriztagarrien gaiari, esan du artikuluaren egileak, jendarteak berak eman behar dio buelta. “Energiarekin gertatzen ari denari erantzunik ematen ez bazaio ezingo da krisi ekonomikotik atera”. Espainiak oraindik ere urteko 45.000 milioi euroko gastua du erregai fosilen inportazioan.
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Energia krisiak eta Ukrainako gerrak hauspotuta, Gas Natural Likidotua (GNL) bihurtu da munduko lehengai estrategiko eta preziatuenetakoa. AEBetako hegoaldean gasa modu horretan biltegiratu eta esportatzeko planta erraldoiak egin asmo ditu industriak, baina Joe Bidenen gobernuak... [+]
"Elite ekonomiko baten pribilegioak iraunarazten diren aldi berean, konponbide faltsuak eskaintzen dizkigute, egiazko konponbideek beharko luketena onartu gabe: oligarkia energetikoa erabat auzitan jartzea, hazkunde ekonomikoaren aginduarekin haustea, gure eredu produktibo... [+]
Berdeago Azoka egingo dute martxoaren 22tik 24ra, Durangoko Landako Gunean. Energia-eraginkortasunaz eta kontsumo arduratsuaz kontzientziatzeko helburua du Jasangarritasunaren Euskal Azokak, ingurumena babesteko irtenbideak tarteko.