Enbrioiak haurdunak baino eskubide gehiago
Marta Monasteriok Madrilonia.org webgunean Espainiako Estatuko Abortu Legearen erreformaz idatzi du iritzi artikulua, eta haren ustez, aurreproiektuak enbrioiaren eskubideak haurdunarenaren gainetik jartzen ditu, emakumea adin txikiko bihurtzeraino. Hona gaztelaniatik itzulitako pasarte bi:
“Oso arriskutsua da eztabaida malformazio kasuetara murriztea. Defendatu beharrekoa ez da ‘sortu’ den izaki batek besteak baino eskubide gehiago duen jaiotzeko, edo emakumeak kasu batean edo bestean erabaki dezakeen ala ez zer egin; momentu oro, berari, bere gorputzari, bere sexualitateari eta bere bizitzari dagokion neurrian erabakitzeko aukera izan behar duela baizik. Aurreproiektuak dio zerrenda oso bat (legegileak, epaileak, medikuak eta psikologoak) dela gai haurdunaldia etetea egokia den ala ez erabakitzeko, aurresuposatuz beraz, horien irizpidea haurdunaren beraren gainetik dagoela. Berak ez al daki bada zer ari den egiten?".
"Autoritatea kenduta emakumeak haur bihurtzen gaituzte, erabaki zentzuduna hartzeko arrazoitzeko gaitasuna ezeztatzen digute, adin txikikoak bihurtzen gara. Abortu delituaren erantzule ere ez ginateke izango (medikuak lirateke) zeren kontu honetan guztian gure egitekoa zeharo pasiboa da. (…) Erreforma guztietan [1985ekoa du gogoan] momenturen batean edo bestean, enbrioiaren eskubideak balio gehiago du, berau hazten ari den haurdunak baino”.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".