Emakumeak ezpata-dantzan aritu dira lehen aldiz Xemeinen
Urteetako prozesuaren ondoren, azkenean, Markina-Xemeingo Zerutxu dantza taldeko kide guztiek izan dute aukera San Migel egunez plazan ezpata-dantza eta aurreskua egiteko, neskek zein mutilek.
Abarketak bustita, baina irribarrea aurpegian eta harro amaitu zuten Zerutxu dantza taldeko kideek Arretxinagan. San Migel egunez, genero bereizketarik gabeko ezpata-dantza eta aurreskua plazaratu zituzten Markina-Xemeingo Arretxinagako jaietan.
Euri mehatxua zutela zerutik atera ziren ermita atzetik Zerutxuko ezpata-dantzariak. Festetarako muntatutako karparen babesean dantzatu ziren. Euria goian-behean, baina dantzariak aterpean aritu ziren; hori bai, lurra busti eta laban zen dantzarako. Baldintzarik onenetan ez bazen ere, herritarren animo eta txalo artean, dotore aritu ziren dantzariak.
Urteetako prozesuaren ondoren, azkenean, taldeko kide guztiek izan dute aukera plazan ezpata-dantza eta aurreskua egiteko, neskek zein mutilek. Pixkanaka joan dira taldean urratsak ematen: 2022ko aratusteetan kaleratu zuten neska-mutilek zahagi-dantza, eta uztailean, Karmenetan, aurreskuaren txanda etorri zen. Pandemia dela-eta Arretxinagako San Migel festak ez dira ospatu azken bi urteetan. Aurtengoa berezia izan da, beraz: bi urteren ondoren itzuli dira ezpata-dantzariak, eta genero bereizketarik gabeko taldea, gainera.
Eguerdian ezpata-dantza eta aurreskua dantzatuta San Migel eguneko lan erdiak falta zitzaizkien oraindik, iluntzean mahai-gainekoa eta bigarren aurreskua dantzatu baitzituzten.
Dantzariak, ezkerretik hasita, goian: Iñaki Azpiazu, Alex Larrinaga, Eritz Larrinaga, Irati Valencia, Mirari Espilla, Ziara Larrinaga, Malen Perez, Oihane Urbieta, Leire Pagaegi, Ainhoa Basterretxea, Oier Onaindia. Markututa: Andoni Elu, Alaine Urrutia (ezpata-txiki), Aaron Arriola (maisu zaharra), Iraide Antxia (ezpata-txiki), Iñaki Kareaga (ezpata-txiki), Argazkian ez daudenak: Igor Ibarzabal (ezpata-txiki), Aitor Urriolabeitia. Txistulariak: Gorka Lauzirika, Koldo San Sebastian, Javi Zabala. Eskuinean: Felipe Amutxastegi eta Pili Garitaonaindia.
San Migel eguneko ezpata dantzaren argazki gehiago dantzan.eus webgunean.
"2000. urteko San Joan egunez, aspaldiko urteko jende multzorik handiena bildu zen Andoaingo Goikoplazan, hamabiak jotzearekin batera dantzarako prest. Lehenengo aldiz gizon eta emakumez osatuta zegoen axeri-dantzarien taldea zen". Hitz horiekin ireki zuen "Emakumeak... [+]
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Adina ez dela dantzan aritzeko oztopo agerian utzi dute Errenteria-Oreretako Beti Bizkor elkarteko euskal dantza taldeko kideek. Dantzaren onurak argi erakusten dituen testigantza esanguratsuak jaso ditu Ikerne Zaratek Oarsoaldeko Hitzan argitaratutako Adina ez dadin ekiteko... [+]
Biteri Kultur Etxean egin dugu zita Pepi Arrospiderekin (Hernani, 1952). Izaskun Auzmendirekin (Arribe, 1964) agertu da, biak San Joan konpartsako kideak. Telefonoa. Auzmendirena da, hizketan hasi da, baina Arrospide adi-adi dago. Ia sartu da telefonora bera ere. Segituan... [+]
Iurretan 1995ean andreek soka-dantza nola plazaratu zuten idatziz jasoa du Jon Irazabalek. Izan ere, 1837ko San Migel jaietan emakumeek osatutako aurreskua dantzatu zela ikusita, arrasto haiei jarraika, kopla doinuz lagundutako soka-dantza ikasi eta kaleratu zuten Iurretako... [+]
1950eko hamarkadan hasi ziren Lagun Artean dantza taldea osatzen Aramaion, Ramon Ormaetxearen gidaritzapean. Dokumentalean jaso dituzte taldearen ibilbidea, taldeko kideen testigantzak, argazki zaharrak eta egungo irudiak bilduta. 2023ko abenduaren 30ean estreinatu zuten... [+]
Dantzaren munduan gabiltzanok askotan errepikatzen dugun ideia da dantza efimeroa dela. Elhuyar hiztegiak espainoleko "efímero"-ren ordaintzat ematen ditu honakoak: efimero, suntsikor, galkor, iragankor, iraungikor, ilaun. Ez dut gogoan nori irakurri nion... [+]
Azken urteetan Lapurdiko kontserbatorioan euskararen eta diziplina tradizionalen presentzia handitu da eta euskal dantzako ibilbideari forma ematen ari dira; irailean hasi da lehen zikloa. “Herri Elkargoa sortu zen Iparraldean eta nahi zuten herri musika eta herri... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
Lesakako ezpata-dantzarien entseguan izan gara. Hilabete daramate astean bitan entseatzen, eta egun handia gainean da: uztailaren 7a, San Fermin eguna. 15 dantzari irtengo dira ezpata-dantzan; titularrak dira, baina jende gehiagok entseatzen du. 2-3 urte entseatzen aritzen... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.