Europan ere badira cowboyak, indioak, legedi propioa duten herriak, zaldi zuriak, antiheroi bakartiak, zibilizatuak, basatiak, kolonizatzaileak eta kolonizatuak; finean, westernak.
Etxe askotan bakeroen pelikula diren horiek iraultzera dator Valeska Grisebachen Western filma, baina zinema genero honen elementu guztiei eutsita. Anthony Mannen pelikula batean iraganeko arketipo bezala agertzen direnak, egungo pertsonaietan eta Europako testuinguru sozioekonomikoan ezin hobeto gorpuzten ditu zuzendari alemaniarrak.
AEBetako desertu zaharretatik Bulgaria eta Greziaren arteko mendi berdeetara. Herrixka galdu batera datoz langile alemaniarrak, urtegi hidroelektriko bat eraikitzera, eta elkarbizitza horretako korapiloek osatzen dute narrazioa.
Motela, errealista, intimoa, gordina, zenbaitek aspergarria dela ere esango du, agian. Nik neuk, azken eszena ikusteagatik soilik ikusiko nuke berriro. Hori bai, hasieratik amaierara.
Western
ZUZENDARIA: Valeska Grisebach
AKTOREAK: Meinhard Neumann, Reinhardt Wetrek,
Waldemar Zang, Detlef Schaich
Alemania-Bulgaria-Austria, 2017
119 minutu
Hamaika gaiez jardun daiteke katedradun arabarrarekin. Elkarrizketa honetan batez ere Euskal Herriko autogobernua, Katalunia eta hari egindako epaiketa, eta euskal presoen gaia jorratu ditugu. Bere ustez, Espainia nabarmen ari da egiten estatu autoritario baterantz.
Agorrilaren 25, 26 eta 27an G7aren goi-mailako bilera egingo dute Biarritzen. Nazioarteko politikan aditu Asier Blasek gailurraren nondik norakoak analizatu ditu. II. Mundu Gerran sorburu izan zuen egungo kapitalismo liberalaren kontrako protestak antolatu dituzte... [+]
2001ean euskal mendizaletasunean gertaturiko tragedia batetik abiatuta, munduko gailur handienak dauden lurretako herritarren sufrimendu eta esperantza ere erakusten digu Pumori, mendiaren alaba dokumentalak, himalaismoan askotan ezkutuan geratzen den hego aurpegia.
Jantzia, berez beharrizan oinarrizkoa dena, kontsumogai bilakatu da. Erosi eta bota logikari jarraiki biratzen duen gurpil kontsumistaren parte izanik, jasangarritasun eza du ezaugarri moda eredu hegemonikoak ere. Ehungintza industriaren etengabeko hazkundea ezin daiteke ulertu... [+]