Gasteizen atxilotutako hiru gazteek “ez zeukaten pertsona horri buruzko informazio gehiagorik” eta polizia muntaia salatu dute
Aske antolakundeak Gasteizen muntaia poliziala eta "intoxikazio kanpaina" salatu ditu, adieraziz zerbitzuz kanpo zegoen ertzain baten aurkako erasoa "bere probokazioen ondorioz izandako ika-mika batean" gertatu zela, eta atxilotutako pertsonek ez zeukatela berari buruzko informazio gehiagorik. EAJ, PSE-EE, PP eta Elkarrekin udal taldeek "gaitzespenik irmoena" adierazi dute gertakarien aurrean. EH Bilduk "eraso mota guztiak" gaitzesteaz gain, gertaerak argitzeko zain daudela adierazi du. Ertzaintzak gerora, pertsona bat kolpatzeaz gain, atxiloaldian zirela Espainiako ereserkia jarri ziela salatu dute.
aurre egingo dieten hedabide independenteak
Aske antolakundeak deituta mobilizazioa egin dute asteartean Gasteizko Alde Zaharrean, lanetik kanpo zegoen ertzain bat jipoitzea egotzita atxilotutako hiru gazteei elkartasuna adierazteko. Atxilotuek 21, 22 eta 25 urte dituzte eta borroka Aiztogile kalean izan zen, Santiago Egunaren bezperako ospakizunetan. Hiru atxilotuak aske geratu dira, nahiz eta ez diren epailearen aurretik pasa eta oraingoz ez diete inongo kargurik leporatu. Jardun koordinadoraren parte da errepresioaren aurkako Aske antolakundea.
"Euskal Herria jazartzen duten politikariek eta jazarpen hau betikotzeko egunero lanean diharduten morroiek azkar zabaldu dute jazotakoaren inguruko beren bertsioa. Gertakariak eragin zituen probokatzailearen zipaio izaera azpimarratu eta tabernako ika-mikaren motibaziotzat hori jo zuten, era faltsuan, ezohikoa zen gertakaria magnifikatu eta desitxuratuz, bere larritasuna eta oihartzuna handitze eta etekin politikoa ateratze aldera", salatu dute.
Mutrikuko jaietan jazotakoaren testuinguruan kokatu dute gertaera. Gipuzkoako herrian, jaietako herri bazkarian ertzain bati ez zioten parte hartzen utzi eta horren harira Eusko Jaurlaritzako ordezkari politikoak ezker abertzalearen aurka gogor mintzatzen ari dira. Gaiari garrantzi mediatiko handia eman diote, eta adibidez, El Diario Vasco egunkariak lerroburu nagusi bilakatu zituen larunbatean Erkorekaren hitz hauek: "Ezker abertzaleak exijenteagoa izan behar du Mutrikuko ertzainaren boikotaren gisako kasuetan".
Gasteizko EAJ, PSE-EE, PP eta Elkarrekin udal taldeek "gaitzespenik irmoena" adierazi dute gertakarien aurrean. EH Bilduk "eraso mota guztiak" gaitzesteaz gain, gertaerak argitzeko zain daudela adierazi du.
Espainiako ereserkia Ertzaintzaren komisaldegian
Zerbitzuz kanpo zegoen agenteak salatu zuen ukabilkada eman ziotela eta "zipaio, zer ari zara kale honetan?" oihu egin ziotela. Aske antolakundeak zabaldutako oharrean adierazi du Ertzaintzak atxilotuetako bat kolpatu egin zutela poliziek autora zeramatela. Gainera, atxiloketa aldian argiak piztuta izatera behartu zituzten gazteak eta ziegako atean kolpeak jotzen zizkieten lorik hartu ez zezaten. Espainiako ereserkia entzutera ere behartu zituzten. "Euskal Herri Langilea jazartzeko biolentzia edo mehatxua darabiltenen profesioa zuritzeaz ez ezik, biktimatzat saldu nahi dizkigute". Adierazi dute ez dela lehen aldia Euskal Herrian taberna giroan gertatutako iskanbila bat puzten dela, "polizia izateagatik gertatu denaren aitzakiapean".
Mobilizazioan "elkartasun eta babes osoa" adierazi diete atxilotutako hiru pertsonei, "gertakariak manipulatzen" ari diren politikarien jarrera salatu dute.
"Espainiako Gobernua eta bere morroia den gobernu autonomikoa polizia indar zipaioak zilegiztatzeko eta normalizaziorako kanpaina burutzen ari dira . Ildo horretatik, errepresioaren aurkako antolakundetik Euskal Herri Langileak jazarpenari aurre egiteko duen bide bakarra antolakuntza da", adierazi dute.
Ertzaingai izandako baten helegitearen ondorioz, Euskal Autonomia Erkidegoko Auzitegi Nagusia hautaketa prozesuko balizko anomaliak ari da ikertzen. El Correo egunkariak hitz egin du berarekin, eta hark dioenez, hautaketa prozesua “kutsatuta” dago eta berdintasun,... [+]
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
Eusko Jaurlaritzako Ogasuneko Kontrol Ekonomikoko Bulegoak barne txosten bat egin zuen Ertzaintzak jaso dituen 300 BMWen esleipen kontratuaren hainbat baldintza kritikatzeko. Ezarritako baldintzak zehatzegiak eta murriztaileegiak zirela salatu du ogasunak, eta horrek enpresa... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Xabier Lertxundi alkateak adierazi du istiluak leku eta ordu ezberdinetan gertatu direla, eta haien artean ea loturarik dagoen ikertzen ari dira. Udaltzaingoak laguntza eskatu dio Ertzaintzari 03:30 aldera, eta haiek oldartzean hainbat lagun zauritu dituzte. Segurtasun Sailak... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Urteroko oroimen eta sari banaketa ekitaldia egin du Ertzaintzak Arkautin, Eusko Jaurlaritzako agintarien parte hartzearekin. Duela bi urteko kronikatik aurtengora auziek edota gaiek berdintsuak izaten segitzen badute ere, nabarmena da begiratzeko moduak nola aldatu diren.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Ikerketa urtarrilean abiatu zuen Ertzaintzak, biktimetako batek Gizarte Segurantzan laguntza eskatu ostean. Nahiz eta egunero hamar ordu baino gehiagoz lan egin "ez zuen nahikoa baliabiderik, ezta jateko ere". Ondorioz, zuntz optikoa instalatzen zuen enpresa bateko burua... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]