Europan azken urteotan mugimendu ultraeskuindarren eta neonazien berragerpena salatzeko azala argitaratu du El Jueves aldizkariak. Ahoan bilorik gabe umorea egiteak kritikak jasotzea dakar berarekin. Baina kasu honetan, kritika eraso fisiko bilakatu da. Mayte Quilez zuzendariari eraso egin diote bere etxeko atarian, ElNacional.cat hedabideak jaso duenez.
Asteartean argitaratu dute azala sare sozialetan eta segituan piztu du zeresana. Horrela zabaldu dute Twitter bidez: "Aste honetako azala! pd: Nazia bazara eta minduta bazaude, izorrai! Remember Stalingrado!"
Asteazken goizean Bartzelonako etxera sartzen ari zela, atarian zain zuen pertsona batek aurpegian ukabilkada eman eta ihes egin zuen. Poliziari helarazi dio salaketa. "Mila esker guztiei zuen interesagatik, aragoiarra naiz eta ergel batek ez nau botako", adierazi du Quílezek Twitter bidez.
Gracias a todos por vuestro interés. Soy aragonesa y no me tumba un tarado @eljueves
— Mayte Quílez (@MayteQuilez) May 11, 2016
Mehatxuak ez dira horretan geratu eta ugariak izan dira aldizkariak sare sozialen bitartez jaso dituen irainak. Kasuak elkartasun mezu andana ere eragin ditu, adierazpen askatasuna aldarrikatzearekin batera.
Mugimendu naziei begirako kritika izanik ere, Espainiako eskuineko hainbat lagun minduta agertu izanak polemika areagotu baino ez du egin. Umorea galdu gabe, El Juevesek oso garbi utzi du bere jarrera lehen momentutik: "Aste honetako azala! Nazia edo erabateko babua bazara, edota VOXi ematen badiozu boza eta gure azalak mindu bazaitu, bidali zure kexa ondorengo helbidera"
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]