Ekonomia sozial eraldatzaileko jarduera bati nola ekin
Emaús Gizarte Fundazioak eta EHNE Bizkaiak "Ideia bati bizia emanez" eskuliburua kaleratu berri dute. Ekonomia solidarioko, ekonomia feministako eta elikadura burujabetzako esperientzia zehatzak ditu oinarri eta lagungarri izango zaie batez ere agroelikadura sektorean proiektu ekonomiko bat martxan jarri nahi dutenei.
Ekonomia solidarioaren eta ekonomia feministaren ikuspegia hasieratik kontuan hartuta, molde kapitalistaz kanpoko jarduera ekonomikoak martxan jartzeko metodologia eskaintzen du eskuliburuak. Aste honetan ari dira aurkezpenak egiten (hitzorduak Emausen webgunean) eta hauetan parte hartzen ari da Maíra Cavalcanti Rocha, NESOLeko (Ekonomia Solidarioko Sao Paulo Unibertsitateko Taldea, Brasil) kidea eta eskuliburuan esperientziak teoriarekin uztartu dituena.
Jada martxan diren esperientziak oinarri
Besteak beste baserritarrak, bertako produktuak eta bidezko merkataritzakoak zerbitzatzen dituen Bidezko Bidean taberna, barazkien eraldaketa eta ontziratzea egiten duten Laneko kooperatiba eta jantokian bertako produktuak zerbitzatzen dituen Andramendi ikastolaren jarduerak dakartza eskuliburuak. Guztira Euskal Herriko 15 ekimen, Espainiako Estatuko 2 eta Brasilgo 3.
Kontuan hartu beharrekoak, ekonomia eta bizitza
Eskuliburuak urratsez urrats azaltzen digu buruan dugun ideia hori jarduera bihurtzeko egin beharreko bidea, urrats bakoitzean "Sustraitzeko galderak" planteatuz eta "Bertatik bertarako esperientziak" eskainiz adibide. Kudeaketa bideragarri egiteko ohiko aldagaiak ageri dira, esaterako zenbakiek eta orduek bat egiten ote duten. Bada, ordea, ekonomia kapitalistan planteatzen ez den aldagairik ere. Esaterako, bizitzaren iraunkortasuna: bideragarritasun ekonomikoa, soziala eta pertsonala. Edo pertsonak: autokudeaketa eta taldeko lana. Edo erabakiak nola hartu hasieratik planteatzea. Komunitatearekin loturak –bertakoak eta mundukoak– ere azaltzen ditu eta emakume eta "gizonen arteko desberdintasuna, eredu aldaketa" gaia planteatu ere bai.
Eskuliburua lizentzia librepean duzue eskura: Ideia bati bizia emanez.
“Emakume zientzialarien argitan” solasaldi-zikloaren helburua emakume zientzialarien ibilbidea ezagutaraztea da, baita ikertzen duten arloari buruz daukaten ikuspegia gizarteratzea ere, kultura zientifikoa hedatzeko eta eztabaida kritikoa sustatzeko. Elhuyarrek eta... [+]
Gaixoaldi baten ondorioz, 65 urterekin hil da Daniel Larrea Mendizabal.
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Kooperatibismo bat komunitateari begira: lurraldeetako beharrei erantzuteko ereduak zabaltzen jardunaldia izan zen ekainaren 19an eta 20an Usurbilen, Jakinek, Usurbilgo Udalak eta UEUk elkarlanean antolatuta. Praktika kooperatibo eraldatzaileen adibide gisa, besteak beste, [+]
Kooperatiben mugimenduak euskal nortasunaren sakoneko afektu bat esnatzen du gehienetan. Kontzeptuarekiko gertutasun, harrotasun, lurraldetasun bat. Eta bizirik dabil, kooperatibek gaurkotasun handia irabazi dutelako, ez da iraganeko historiako ekimen euskaldun bat... [+]
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
Horbel kooperatibaren proiektu bati esker, errefuxiatuen kanpamenduetan bizi diren Saharako hamabi haur hartuko dituzte bi hilabetez Goierriko udalerri horretan. Orkli kooperatibaren Orklidea ekimeneko dirulaguntza jaso du proiektuak.
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Maiatzaren Lehenaren kari, bere gogoeta partekatu nahi izan du Olatukoop Ekonomia Sozial Eraldatzailea sustatzeko sareak. Langileen egunari lotuta, lanaren izaeraren eta zentzuaren inguruko gogoeta egin dute, lan burujabe eta desiragarriak denontzako garatzeak gure bizitzak eta... [+]
Nortasuna Sarean jardunaldien 10. edizioa egingo dute asteazken honetan Donostiako San Telmon, KomunikaziONA bideguruatzean izenburupean. Egungo komunikazio joerak aztertu eta "alternatiba osasuntsuagoak" topatzen saiatuko dira. Hainbat hizlari gonbidatu dituzte, euren... [+]
Gasteizko Eraman kooperatibak banaketa “era jasangarri eta etikoan” eginez bertako komertzioa bultzatzeko helburua du bere sorreratik, Arabako hiriburuan eta hango bizilagunengan pentsatuta. Hainbat ekimenetan parte hartzen du, horien artean ikasturte honetan egiten... [+]
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Badira 12 urte Ipar Euskal Herrian Euskoa martxan dela, Euskal Monetak sustatu eta sortua, tokiko ekonomia indartzeko, zirkuitu laburrak bultzatzeko eta euskararen erabilera sustatzeko.
Beñat Irasuegi Talaios kooperatibako eta Olatukopeko kideak Oñatin eskainitako hitzaldia, 'Tokiko administrazioa energia trantsizioaren aurrean' izenburupean egindako jardunaldien baitan.