Ekaineko giza katearen “mugarri” izango da Bilbo larunbatean
Gure Esku Dagok ekainaren 8ko giza katearen inguruko ekimenei hasiera emango dien agerraldia antolatu du larunbatean Bilbon. Giza Kateari begira ekitaldia “mugarri” izango dela iragarri dute antolatzaileek.
Datorren larunbatekoa ekainean Iruñea eta Durango batuko dituen giza katerako "jauzi berriak ahalbidetuko dituen abiapuntu sendoa” izango dela adierazi dute erabakitzeko eskubidearen aldeko taldekoek, eta dinamika abian jarri zenetik herrietan egin den lana erakusteko balioko duela esan dute.
Hainbat atalek osatuko dute Bilboko La Casillan egingo den ekitaldia: Herrietako lana bildu eta erakusten saiatuko dira; Europan erabakitze eskubidearen alde lanean ari diren nazioek ere izango dute beren lekua; ezberdinen arteko elkarlanak duen garrantzia azpimarratuko dute; eta giza katearen inguruko ezaugarri berriak plazaratuko dituzte.
Bilboko Arte Ederren Museoa eta La Casilla giza kate baten bidez lotu nahi dituztela iragarri dute antolatzaileek. Dinamikaren alde lanean ari direnen esanetan larunbatekoa “proba saioa” izango da, ekainaren 8an Euskal Herriaren erabakitzeko eskubidea aldarrikatzeko egingo den giza kate erraldoiari begira.
Ekitaldiari amaiera emateko, egitasmoaren bideoklipa proiektatuko dute.
Larunbateko manifestazio jendetsuaren ondoren, erabakitzeko eskubidearen aldeko Gure Esku mugimenduko bozeramaile Josu Etxaburuk eta June Romatetek agerraldia egin dute Donostian. "Euskal herritar gehienak ordezkatzen dituzten erabaki eta adostasunak" lortzeko,... [+]
Milaka pertsona batu ziren larunbatean Bilbon, Euskal Herri libre eta burujabea eraikitzeko aldarrikatzeko. Ikurrinez eta Nafarroako banderez bete zuten Autonomia kalea arratsaldeko mobilizazioan.
Herri libre bat, Euskal Herriak erabaki lelopean, parte hartzera eta kaleak ikurrinaz betetzera dei egin du herri mugimenduak.
Eragile nahiz alderdi politiko ugarik plazaratu dituzte euren aldarriak aurtengo Aberri Egunean. Azken urteetan egin bezala, Bilboko eta Iruñeko kaleak hartu dituzte EAJk eta EH Bilduk, hurrenez hurren. Bagira-k, Ipar Euskal Herriko Mugimendu Abertzaleak, abertzaleen... [+]
"Nazio gisa eskubideak aldarrikatu eta herri oso bat martxan irudikatzeko" deitu dute 2025eko ekainean Bilbon egingo den mobilizazioa. Euskal Herri libre eta kohesionatu bat osatzeko "denen artean eta elkar lagunduz" lan egin behar dela berretsi du... [+]
Aurreko ekainean aurkeztu zuten ekimena Donostian. Maratoiaz gain Iruñean, Donostin, Bilbon eta Gasteizen zuzeneko ikuskizunak izango direla zehaztu dute asteazkenean. Hamabi orduz egongo dira “Euskal Herria irudikatzen”, eta “360 graduko Euskal... [+]
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]