Nazioarteko argitaletxeek EITB kritikatu dute, Iņaki Egaņaren liburuaren iragarkia zentsuratu izanagatik

  • Editore Independenteen Nazioarteko Aliantzak “kezka handiz” hartu du EITBk Iñaki Egañaren El desarme, la via vasca liburuaren iragarkia zentsuratu izana. Ohar baten bidez nabarmendu dute zentsura medio publiko batean egin izanak areagotu egiten duela larritasuna.

ARGIA @argia
2018ko martxoaren 07a

“Indar biziz arbuiatzen dugu Txalaparta argitaletxeak eta Gara eta Mediabask enpresa editoreek jasan duten adierazpen askatasunaren aurkako erasoa”, adierazi du elkarteak.

550 argitaletxe independente biltzen ditu taldeak eta “zentsura ekintza nabarmena” dela adierazi du. “Gure elkartasun sendoena adierazten diogu editorial bati, zeinaren lana, zalantzarik gabe, ekarpen inportantea den bibliodibertsitatearentzat”, irakur daiteke oharrean.

Gainera, EITBk hartutako neurria testuinguru zabalagoan kokatu dute: adierazpen askatasuna bizitzen ari den murrizketa prozesu orokorraren barruan kokatu dute Egañaren liburuaren iragarkia ez emititzeko erabakia.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Adierazpen askatasuna  |  EITB  |  ETAren desarmatzea

Adierazpen askatasuna kanaletik interesatuko zaizu...
Azkenak
EGILEA
Eguneraketa berriak daude