Eibar, Ermua eta Zaldibarko eskola-umeak gaur patiorik gabe egongo dira
Oraindik ez dagoen arren argi zenbat ikastetxetan –ala denetan– hartu duten neurria, ziurra dena da Debabarreneko zenbait eskolatan ume eta gaztetxoek aterpean egin beharko dituztela bai atsedenaldiak eta baita gorputz heziketako saioak ere, dioxina eta furanoen ez-ohiko neurketak direla eta Eusko Jaurlaritzak agindutako gomendioei jarraituz.
#Zaldibar #Mallabia Zaldibarko ikastetxeko iturriek azaldu dutenez Hezkuntza Sailak egindako gomendioa da. Leihorik ez zabaltzeko, gune estali eta itxietan egoteko, eta, heziketa fisikoko klaseak gune zarratuetan ematea gomendatu diete. https://t.co/YgimCeaEts
— anboto (@anboto) February 17, 2020
Eibar, Ermua eta Zaldibarko eskola ezberdinetan, zuzendaritzek, Jaurlaritzak emandako gomendio orokorrei jarraiki, patio-orduak, gorputz-heziketa edo kirola kanpoaldean ez egiteko erabakia hartu dute. Dena den, #Hezkuntza Sailetik oharrik ez dagoela salatu dute.#ZaldibarArgitu. pic.twitter.com/tmrH5RKwiz
— LAB Irakaskuntza (@labirakaskuntza) February 17, 2020
