ARGIA.eus

2020ko urriaren 30a

EHUri eskatu diote Espainiako Armadarekin duen "lankidetza" eten dezala

  • LAB, STEILAS eta ELAko sindikatuek, hala nola Ernai, Ongi Etorri Errefuxiatuak, Mugarik gabeko ingeniaritza elkarteak eta Ikasle Abertzaleek elkarretaratzea egin dute asteazkenean Bilboko Ingeniaritza eskolan, Euskal Herriko Unibertsitateak "militarismoarekin lankidetza moztea" eskatzeko.

ARGIA @argia
2019ko uztailaren 04a
Elkarretaratzea Ingeniaritza Eskola aurrean (argazkia: LAB)

Elkanoren mundu bira ospatzeko uztailaren 6an eta 7an Getarian egingo den Horizonte Elcano ekimenean hartuko dute parte Espainiako Itsas Armadako ordezkari ugarik, baita hainbat euskal entitatek ere, tartean EHUko Ingeniaritza Eskolak. Besteak beste, ingeniaritzako Saltillo belaontziak euskal kostaldean zeharkaldia egingo du Armadako Juan Sebastian Elcano ontziarekin batera.

Horregatik, asteazkenean Ingeniaritzako Eskola aurrean elkarretaratu dira sindikatu eta eragile ugaritako kideak, EHUren parte-hartzea salatzeko: "EHUren funtzioa euskal jendartearen beharrei erantzutea da eta bere ekimenak hitz hutsetan geratu ezin diren baloreetan oinarritu behar dira, eta indar armatuekin eta beste herriak txikitzen dituen euskal armagintzarekin kolaboratzea ez da sartzen betebehar hauen artean, baizik eta kontrakoa", azaldu dute.

Euren esanetan, EHUren jarrerak "normalizatu" egiten du euskal kostaldean itsas armadako ontzi militar bat egotea. Unibertsitateari eskatu diote bere parte-hartzea bertan behera uzteko eta armadarekin duen "lankidetza" eteteko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Antimilitarismoa kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude