EHUko Klaustroaren gehiengoak eskatu du unibertsitateak Israelekin duen harreman oro eteteko
EHUko hainbat klaustrokide, irakasle-ikertzaile, ikasle zein TEKAZEL kolektiboaren langileek sustatu dute ekimena. EHUko kideen ordezkaritza organo gorenean parte hartzen duten 240 kideen artean, gehiengoaren babesa lortu dute.
aurre egingo dieten hedabide independenteak
240 klaustrokideen artean banatu eta gehiengoak, 128 lagunek, sinatu duen testuan halaxe diote: "Israelen genozidioaren aurrean, ez zaigu onargarria iruditzen unibertsitateen partetik, eta, gure kasuan, EHUren partetik, dagoen isiltasuna".
30.000 hildako –horietako %40 baino gehiago haurrak–, milaka desagertu, ia 100.000 zauritu, populazioaren gehiengoari etxebizitza birrindu diote eta, ekimenaren sustatzaileek gogorarazi dutenez, Gazako unibertsitate sistema erabat suntsitu dute.
Horri aurre egiteko, EHUko komunitateak egin dezakeen "ekarpenik eraginkorrena" instituzio gisa "mantentzen duen isiltasunaren aurrean" rol aktiboa hartzea dela diote. Horregatik EHUko Klaustroko kideen gehiengoak EHUko zuzendaritzari eskatu dio Israelgo Estatuaren instituzio, enpresa, unibertsitate eta ikerketa zentroekin harremanik ez izatea. Palestinarrek beraiek hala eskatu dutelako hartu dute bide hau, BDS –Boikot, Desinbertsio eta Zigorrak–, eta PACBI- Israelekiko Akademia eta Kultura Boikoterako kanpainak kasu.
Klaustroen eskumenen artean halako erabakiak hartzea ez dagoen arren, "EHUko komunitatearen ordezkariak garen heinean" eskari hori egin diote EHUko zuzendaritzari. Orain ikusteko dago Eva Ferreira Garciak zuzentzen duen taldeak zer bide egingo dion.
Bozkatzeko debekua
Unibertsitateko kideen ordezkaritzarako organo gorena da klaustroa. Errektore nagusiak, idazkari nagusiak, gerenteak eta unibertsitateko sektore guztietako 240 kidek osatutakoa da. Klaustroak ez dauka eskumenik unibertsitateak zein erakunderekin harremanetan izan dezakeen erabakitzeko, hori zuzendaritzaren erabakia da. Horregatik sustatzaileak eskaera gisa planteatu dute: klaustroaren gehiengoak zuzendaritzari eskatu dio Israelekin harreman oro eteteko.
Edonola ere, ekimenaren bultzatzaileek salatu dute zuzendaritzak ukatu egin diela Klaustroko bileran proposamena eztabaidatzeko eta bozkatzeko aukera, eta horregatik klaustrokideei banan-banan helarazi behar izan diete proposamena haien atxikimendua adierazteko. Adierazi digutenez, bileran gaia azaldu, eztabaidatzea eta ondoren bozkatzea litzateke “biderik logiko eta zuzenena”, baina bide hori ukatu egin diete eta parte-hartzea mugatu. Otsailaren 27ko bileran proposamena azaltzeko bost minutu eman die zuzendaritza taldeak, baina ondoren eztabaida eta bozketarik gabe.
Urrian, Israel eta Palestina maila berean
Urriaren 7an Israelek sarraskia abiatu eta bi astetara, EHUk "gorakada belikoa" gaitzetsi zuen eta elkartasuna adierazi zien "Israel eta Palestinako unibertsitate eta zientzia komunitateei". Espainiako Estatuko unibertsitateek osatzen duten CRUE sarearen idazki horretan, palestinarrek eta israeldarrek bizi izandakoa maila berean kokatu zuten, eta "gatazka" hori eta beste guztiak konpontzeko, "elkarrizketa eta negoziazioa" azpimarratu zituzten.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Hainbat lagun errepidera atera dira Palestinako banderak eta Gazako genozidioaren aurkako mezuak eskuan, eta Israelgo taldeko txirrindularien taldekako asteazkeneko erlojupekoa oztopatu dute. Etaparen ondoren argitaratutako ohar batean, taldeak manifestarien "ekintza... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
NBEren txosten batek azaldu du Beasaingo enpresak lagundu egiten duela Israelgo legez kanpoko kolonien hedapenean. Amnistia Internazionalek deialdia egin die gobernuei “urgentziaz” esku hartu dezaten txostenaren ondorioekiko.
Astearte eguerdian jakinarazi du Sidenorrek Israelekin harreman komertzialak etengo dituela. Ordu batzuk lehenago ELA, LAB eta ESK sindikatuek, BDZ mugimenduarekin batera, euskal enpresari eskatu diote gaur bertan Bartzelonako portutik Israelera irten den bidalketa bertan behera... [+]
El Salto hedabideak argitaratu zuen Espainiako dozenaka musika jaialdiren Superstruct sustatzailea Israelen aldeko funts batek erosi zuela. Geroztik, musika talde eta bakarlari ugari batu dira KKR-ren aurkako boikot kanpainan, eta Israel Palestinan egiten ari den genozidioaren... [+]
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde... [+]
Metro Bilbaok I-SEC Aviation Security S.L. segurtasun-enpresa kontratatu zuen apirilean. Horren aurrean, kexak aurkeztu dituzte dozenaka herritarrek Metro Bilbaoren bulegoetan, Bilbo-Palestina Herri Ekimena eta Nodo BDZ-Bizkaiak deituta.