Urrezko Antzarra Bego Vicarioren 'Ehiza' filmarentzat izan da Euskal Zine Bileran
Euskal Zine Bilerako Lehiaketan hemeretzi filmak hartu dute parte eta azaroaren 23tik 26ra bitartean ikusi ahal izan dira zinebilera.eus webgunean. Bego Vicarioren filma izan da onena. Urrezko Antzarra eta 1.900 euroko saria jaso ditu.
Saridunak erabakitzearen arduradunak Aitor Oñederra, Erika Olaizola eta Mikel Rueda zinegileak izan dira. Erabakia hartzea zaila izan dela aitortu dute.
Zuzendaritza onenaren saria Aitor Mendilibar eta Ibon Goiko zuzendariendako izan da Irten barrura filman egindako lanagatik. 1.600 euro eta Zilarrezko Antzarra jaso dituzte. Gidoi onenaren saria Imanol G. Gurrutxagaren Nigandik lanarentzat izan da. Gidoigileak 1.600 euro eta Zilarrezko Antzarra jaso ditu. EITB Ikusleen saria Gurrutxagak berak jaso du Nigandik lanagatik. Epaileek aipamen berezia egin diote Ekain Albiteren Haizearen egia filmari.
Pascal Gaigneri omen
Euskal Zine Bilerak 43. edizioan Euskal Zinemaren Begirada Pascal Gaigne musikariarengan jarri nahi izan du. Urtetan euskal zineman egin duen ekarpena aitortu nahi izan diote. Gaignek, azken urteotan, La Trinchera Infinita, Dantza, Handia eta Errementari filmeentzat musika konposatu du.
Verabredung filmaren kritika. Zuzendaria: Maider Oleaga. Urriaren 6an Lekeitioko zinema aretoan eman zuten, 41. Euskal Zine Bileraren irekiera ekitaldian.
Indarberrituta hasiko da Lekeitioko Euskal Zine Bilera larunbat honetan: iaz 40. Urteurrena bete ondoren, 40+1 edizioan “Euskal Herrian euskaraz egiten den zine bileraren berrinterpretazioa” prestatu dutela iragarri dute antolatzaileek. Urriaren 6tik 12ra bitartean... [+]
Okzitaniako Capdenac hirian Radial enpresak ateak itxi zituen greba baten ondoren. Langileen kexa sumindua kontatzen du Eñaut Castagnet eta Ximun Fuchs zuzendarien lanak.
40. edizioa agurtu berri du Lekeitioko Euskal Zine Bilerak. Film onenaren saria Begoña Vicarioren Jane, Tarzan ez zen horren guay lanak lortu du profesional mailan eta Amancay Gaztañaga eta Erika Olaizolaren Zulo filmak amateur mailan.
Lekeitioko 39. Zine Bileraren barruan, urriaren 22an (H)emen-Her(e) plataformak antolatu zuen mahai-ingurua eta bertako Kristina Zoritak moderatu. Beraien bizipenetatik aritu ziren Amara Mosteiro, Izibene Oñederra, Nahia Laka eta Eneko Sagardoy.