"Jane, Tarzan ez zen horren guay" eta "Zulo" filmak garaile Euskal Zine Bileran

  • 40. edizioa agurtu berri du Lekeitioko Euskal Zine Bilerak. Film onenaren saria Begoña Vicarioren Jane, Tarzan ez zen horren guay lanak lortu du profesional mailan eta Amancay Gaztañaga eta Erika Olaizolaren Zulo filmak amateur mailan.


2017ko urriaren 23an - 08:55

Tarzan eta Jane elkarrekin igeri egiten duteneko eszena famatuaren berrikuspena da Jane, Tarzan ez zen horren guay larrabetzuarra, non koloreak, erritmoak eta forma abstraktuek paradigma berri bati buruz hitz egiten diguten. Zulo zestoarra berriz, adoreaz mintzo zaigu: istorioko bi protagonistek elkar maite dute eta maitasun hori elkarrekin bizitzea hautatuko dute, oztopo, beldur, ezintasun eta mugen gainetik.

Zuzendaritza onenaren saria Irati Gorostidik eta Arantza Santestebanek lortu dute Euritan lanagatik (profesionaletan) eta Oier Fuentesek Aska Tasun Hari pelikulagatik (amateurretan). Gidoi onenaren saria azkenik, Zorrak Zor lanarentzat izan da profesionaletan (Bertol Arrieta) eta Atera bidetik ikus-entzunezkoarentzat amateurretan (Sare Gernika-Lumo).

Juanba Berasategi eta Benito Ansola

Euskal Zinemaren Begiradak atalak Juanba Berasategi zinegilea (aurten zendua) eta Benito Ansola Lekeitioko apaiz eta zinemazalea izan ditu protagonista; omenaldi hunkigarria eskaini zaie.

Pelikula ugariz gozatzeaz gain, ekintza paraleloak ere izan ditu Euskal Zine Bilerak: XIII. Kameratoia egin da, Euskaltzaleen Topaguneak antolatuta. Euskal Herriko ikus-entzunezkoen rally honetan, parte-hartzaileek 48 ordu izan dituzte film bat egiteko. Sektorearekin elkarrizketan atalean berriz, profesionalek harremanetan jartzeko aukera izan dute, (H)emen-(H)ere kolektiboak dinamizatuta (ikus-entzunezkoen sektorean emakumeen ikusgarritasuna oinarri duen kolektiboa). Besteak beste, mahai-ingurua egin dute, Euskal Zine Bileraren urteotako bilakaera aztergai.


Kanal honetatik interesatuko zaizu: Euskal Zine Bilera
2020-11-30 | ARGIA
Urrezko Antzarra Bego Vicarioren 'Ehiza' filmarentzat izan da Euskal Zine Bileran

Euskal Zine Bilerako Lehiaketan hemeretzi filmak hartu dute parte eta azaroaren 23tik 26ra bitartean ikusi ahal izan dira zinebilera.eus webgunean. Bego Vicarioren filma izan da onena. Urrezko Antzarra eta 1.900 euroko saria jaso ditu.

 


Maider Oleagaren 'Verabredung': Berlinen gurutzatzen diren historiak

Verabredung filmaren kritika. Zuzendaria: Maider Oleaga. Urriaren 6an Lekeitioko zinema aretoan eman zuten, 41. Euskal Zine Bileraren irekiera ekitaldian.


2018-10-04 | ARGIA
Transformatuta abiatuko du 41. edizioa Lekeitioko Euskal Zine Bilerak

Indarberrituta hasiko da Lekeitioko Euskal Zine Bilera larunbat honetan: iaz 40. Urteurrena bete ondoren, 40+1 edizioan “Euskal Herrian euskaraz egiten den zine bileraren berrinterpretazioa” prestatu dutela iragarri dute antolatzaileek. Urriaren 6tik 12ra bitartean... [+]


2018-08-28 | Nahia Ibarzabal
Fuchs eta Castagneten "Non" filma estreinatuko da Hego Euskal Herrian

Okzitaniako Capdenac hirian Radial enpresak ateak itxi zituen greba baten ondoren. Langileen kexa sumindua kontatzen du Eñaut Castagnet eta Ximun Fuchs zuzendarien lanak.


"Emakumeak euskal ikusentzunezkoetan" mahai-ingurua
Emakumeen lana ikus-entzuteko beharraz

Lekeitioko 39. Zine Bileraren barruan, urriaren 22an (H)emen-Her(e) plataformak antolatu zuen mahai-ingurua eta bertako Kristina Zoritak moderatu. Beraien bizipenetatik aritu ziren Amara Mosteiro, Izibene Oñederra, Nahia Laka eta Eneko Sagardoy.


Eguneraketa berriak daude