EH Bilduko Iruñeko zinegotziak ez dira joango Espainiako Erregeen harrera ekitaldira
Batasunaren Pribilegioaren 600. urteurrena ospatzen du Iruñeak aurten eta hori dela eta, Iruñeko Udalak Espainiako erregeak gonbidatu ditu ospakizunetara. Udalak ostiralean egingo die harrera, eta EH Bilduk ez dela joango iragarri du.
Batasunaren Pribilegioa hiriaren sorrera finkatzen duen ituna da. Egungo Iruñeko lurrak ziren Nafarroako gune populatuenak hiria batu aurretik ere, baina hiru auzo nagusitan banatuta zeuden: Nabarreria, San Zernin eta San Nikolas, gaur egun ere Hiri Buruzagiko Alde Zaharreko gune ezagunak. Hiruen arteko elkarbizitza txarra zen, harresiak ziren nagusi haien arteko espazioetan eta ez zen gatazka eta liskarrik falta, gerrara iristeraino ere bai.
Egoera horri aurre egiteko, hiru auzoak batzeko agiria kaleratu zuen Nafarroako Errege Karlos III.ak, 1423ko irailaren 8an, eta horri deitzen zaio Batasunaren Pribilegioa. Horren ondorioz sortu zen Iruñeko Udala, zeina hiru auzoen erdigunean kokatu zen, gaur egun dagoen tokian. Kale Berria ere, adibidez, San Zernin eta San Nikolas burgoak batzeko eraiki zen.
Hori guztia ospatzen da ostiral honetan Iruñean eta UPNk gidatzen duen Iruñeko Udalak Espainiako Erregeei eskaini die eguna zuzentzeko aukera. Horren aurrean EH Bilduko iragarri du bere zortzi zinegotziak ez direla joango harrera ekitaldira, ez baitute uste erregeek legitimaziorik dutenik egingo diren ekitaldietako buru izateko: “Lehenik, Iruñea bateratua Europako estatu independente baten hiriburu gisa proiektatzearekin amaitu zutenen oinordekoak direlako, eta, bigarrenik, monarkia hispanikoak ez dituelako ordezkatzen bere burua errepublikartzat eta, neurri handi batean, subiranistatzat jotzen duten Iruñeko herritarren gehiengoa”.
Koalizio soberanistaren ustez, Iruñeak zorte handia du Batasunaren Pribilegioa ospatu ahal duelako, “izan ere, guda fratrizidetako urteei amaiera eman zien adiskidetasunaren adibide izan zen, guztioi identitate komun bat eman zigun, eta gaur egun, sei mende geroago, oso harro gaude horretaz”. Festaren protagonismoa, hortaz, Iruñeko herritarrei dagokiela uste dute, eta ez Espainiako erregeei. Iruñeko Udalak antolatutako gainerako ekitaldietan bai izango direla adierazi dute.
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Telefonicak intzidentzia bat izan du eta horrek sare finkoan eragin du. Ondorioz, EAEko Larrialdiei Kudeatzeko Zentroa kaltetu da. Hala ere, arazoa konpondu dela ezagutarazi dute eta 112 larrialdietako telefonoa martxan dago berriro. Nafarroan ere eragina izan du, baina... [+]
José María Agramontek agerraldia egin du asteartean Nafarroako Parlamentuan, UPN eta Contigo-Zurekin alderdiek eskatuta. Bardeako Komunitatearen Batzarreko lehendakariak nabarmendu du Espainiako Defentsa Ministerioa ingurumenarekin egiten ari den "esfortzua"... [+]
AINE Noain-Elortzibarreko talde independentea, Harana Gara eta Aldatu Elortzibar egongo dira udalaren agintean, eta azken horretako Luis Mayak hartuko du aginte makila. Martxoaren 31n iragarri zuten mozioa aurkeztuko zutela, UPNren kudeaketaren "noraeza" eta... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.