EH Bilduk Mozal Legearen alternatiba aurkeztuko du gaur Espainiako Kongresuan

  • Gaur eztabaidatuko da Mozal Legea berriz ere Espainiako Kongresuan eta EH Bilduk lege proposamen berria aurkeztuko du gainontzeko alderdien hainbat emendakinen artean.


2017ko irailaren 21an - 10:30

Oinarrizko eskubideak eta askatasun zibil eta politikoen “bermea” izango den lege proposamena aurkeztuko du, koalizio abertzaleak. Mozal Legeak “oinarrian duen ikuspegi errepresiboan” aldaketa proposatzen du “filosofia aldaketa erradikala” gauzatu dadin, Marian Beitialarrangoitiaren esanetan.

EH Bilduk proposatutakoen artean, "polizia prebentibo baten kontzepzioa" sustatzea dago. Hau da, funtzio errepresiboaz harago, bitartekaritzara bideratuta egongo den polizia eredua garatzea. Honi lotuta, zirkulazioaren edo indentifikazioaren gainean Mozal Legeak jasotzen dituenak ezabatzea nahi du EH Bilduk.

Aipagarriak diren beste neurrien artean bi isun mota ezartzea dago: arinak eta larriak –oraingo legean oso larriak ere badaude–. Lehenengoan ez da diruzko isunik izango eta bigarrenean nabarmen jaitsiko dira.

ERC-k izan ezik, ez du beste inork babestuko lege proposamena eta beraz ez du aurrera ateratzeko aukerarik. Podemos-Ganemos taldeak abstentzioaren alde egingo duela iragarri du.


Kanal honetatik interesatuko zaizu: Mozal legearen mehatxua
Artxibatu egin dute Ahotsa.info-ko kazetari bat gezurrekin salatu zuen udaltzainaren aurkako kereila

2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]


2023-03-15 | Axier Lopez
Espainiako Gobernuak ez du hitza bete: Mozal Legeak indarrean jarraituko du

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]


Otsaileko lehen osoko bilkuran onartu nahi dute Espainiako Kongresuan 'Mozal Lege' berria

Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.


Laudioko Gaztetxearen aldeko elkartasun jaialdiak antolatu dituzte Laudion, Bilbon eta Gasteizen

Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]


2022-12-16 | Iñaki Agirre
“Ez dugu ekimen erreformistarik nahi, Mozal Legearen indargabetzea eskatzen dugu”

Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]


Eguneraketa berriak daude