EAJk akordioa sinatu du PSOErekin, ERC gertu da eta 5ean itxi daiteke inbestidura
EAJk astelehen honetan sinatu du akordioa. ERCk arratsaldean du alderdiko zuzendaritzaren bilera eta bertan aztertuko dituzte PSOErekiko negoziazioak. Iturri ugariren arabera, bi alderdiek nahiko itxita dute akordioa eta Estatuko Abokatutzak Oriol Junquerasen alde egin duen eskaerarekin, akordioa publiko egitea egunetako kontua ei da. EH Bilduk oinarrien esku utzi du erabakia, baina abstentzioa proposatuko die.
PSOEren helburua litzateke Espainiako Gobernuko lehendakariaren inbestidura saioa aste honetan egitea eta ez datorrenean, zeinetan Torra lehendakariaren aurkako kargugabetze erabakia atera daitekeen eta horrek ERCrekiko negoziazioa korapilatu. Ebazpen hau Espainiako Hauteskunde Batzordeak jakinarazi behar du eta bertan kontserbadoreak nagusi dira. PSOEk 2019a bukatu aurretik iragarri nahiko luke akordioa, baina ERCk iragarri du jada urtea amaitu aurretik ez duela bilduko alderdiko kontseilu nazionala eta honen berrespena ezinbestekoa da akordioak aurrera egin dezan.
Nació Digitalek dioenez, aldiz, ERCk onartzen du akordioa gertu dagoela eta ez du baztertzen inbestidura saioa urteko lehen astean egitea. PSOEk, ostera, akordioa ixteko premia du eta ahal balitz, urtarrilaren 5ean nahiko luke amaitzea prozesua. Horretarako urtarrilaren 2an deituko litzateke Espainiako Kongresuko osoko bilkura. Horren arabera, lehen bozketa 3an egingo litzateke eta Pedro Sanchezek lehen itzulian izendapena lortzeko behar den gehiengo osoa ez lukeenez, urtarrilaren 5ean egingo litzateke bigarren saioa, eta orduan hautatu, baiezko botoak ezezkoak baino gehiago liratekeelako.
Gobernuen arteko negoziazio mahaia
Hori izan ei da PSOEren eta ERCren arteko punturik gaitzena, beti ere Nació Digital-en arabera. PSOEk alderdien arteko negoziazio mahaia nahi zuen eta ERCk gobernuen artekoa. Alderdi errepublikarreko buru Pere Aragonesek jakinarazi duenez, mahai honek ez du eduki mugarik izango, egutegi zehatza finkatuko zaio eta akordioak bi gobernuen artean berretsiko dira. Denetarik hitz egin ahal izango da, baina PSOEk jakinarazi du jada epe motzean ez dagoela ezer egiterik ez Kataluniaren erabakitzeko eskubidearekin ezta amnistiarekin ere.
EAJk baiezkoa, EH Bilduk abstentzioa
EAJk eta PSOEk astelehen goizean sinatu dute akordioa, eta horren arabera EAJk baiezkoa emango dio Pedro Sanchezen inbestidurari. Hamabi puntuko akordioa sinatu dute, besteak beste honako hauek: Madril eta Gasteiz arteko desadostasunak ez judizializatzea; 2020an falta diren transferentziak Eusko Jaurlaritzaren esku uztea eta lehen sei hilabeteetan Nafarroara trafiko eskumenak eskualdatzea; bi erkidegoen gastu sabaia negoziatzea; Kataluniako egoerari irtenbidea eman eta EAEko Estatutu Berria erraztuko duten politikak bultzatzea; euskal selekzioetan aurrerapausoak ematea; eta abiadura handiko trena eta politika industrialetan inbertsio aurrerapausoak finkatzea.
EH Bilduren Mahai Politikoak bere oinarrien esku utzi du azken erabakia, baina inbestidura saioan abstenitzea proposatuko die. Bozketarako deia PSOEk inbestidura eguna zehaztu bezain laster finkatuko du. Abenduaren 17an PSOErekin Madrilen izandako bileran Espainiaren lurralde eredua, bakea, elkarbizitza eta gai sozialak izan zituzten hizpide batez ere. Presoen eskubideak bete beharra ere eskatu zuten ezker abertzalekoek, horretarako legedia bete behar dela adieraziz.
Pedro Sánchezek hornitzaile pribatuei eta Red Eléctrica de Españari egotzi die itzalaldiaren inguruko informazio gutxi eskaintzea, baina azken honek jakinarazi du "gutxi gorabehera" aurkitu dutela Iberiar penintsula osoko argindarra joatearen arrazoia... [+]
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
2023ko urritik armamentua erosteko 40 kontratu sinatu ditu Espainiako Estatuak Israelekin eta hango enpresekin, horien erdia azken urte erdian. Horietako kontratu batekin ika-mika piztu da Espainiako Gobernua osatzen duten PSOE eta Sumarren artean, bereziki azken horren barnean,... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Duela hamar urteko martxoaren 31an Espainiako Estatuko Aldizkari Ofizialean argitaratu zuten denok Mozal Legea gisa ezagutzen dugun araudia. Espainiako Estatuan ez ezik, nazioartean parekorik gabeko aurkakotasuna eragin zuen lege makurra. Hamarkada pasa da eta jaio zenean bezain... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
Gezurra badirudi ere, irudia ez dago Tolosako inauterietan eginda. Munduko herrialderik jendetsuenen artean, laugarrenean da, pasa den astean. Kameraz inguratuta, bi gizoni 80 eta 85 zigorrada eman dizkiote bizkarrean. Haien bekatua: gorputzaz elkarrekin gozatzea. Aceh... [+]
Nafarroa eta Ezkio-Itsaso lotuko lituzkeen alternatibak Aralar barnean 22 kilometroko tunel bat zulatzea suposatuko luke, eta 1.300 milioi euroko kostua izango luke. Lotura hau igaroko litzatekeen herri ugarietako udalek nahiz bizilagunek, ordea, lanei ekiteko eduki beharreko... [+]
Arratsaldez eta gauez lan egiten duen jendea dagoela argudiatuta, 0-3 urteko umeentzat 24 orduz zabalik egongo diren haur-eskolen beharra planteatu du Espainiako Enplegu ministroak. Erreakzio-katea berehalakoa izan da eta agerian utzi du nola ulertzen dugun kontziliazioa, zeren... [+]
Hamarkada askotako eskaeraren ostean, Parisko Marceau etorbidearen 11. zenbakian dagoen jauregi historikoa EAJren esku geratu da azkenean. Jeltzaleentzat, balio monetariotik harago, balio sinboliko itzela du eraikin horrek, erbestearekin eta faxismoaren kontrako borrokarekin... [+]
Euskal Herriko eta Kataluniako indar eskuindarrek bat egin dute PPrekin eta Voxekin, zerga ez luzatzeko.