Neurri pedagogikoak hartu beharko dituzte EAEko ikastetxeek mugikorren erabilera arautzeko

  • Eusko Jaurlaritzako Hezkuntza Sailak ez du ikastetxeetan mugikorren erabilera debekatuko, eta prestakuntza berezia eskainiko die ikastetxeei eta familiei.


2024ko urtarrilaren 18an - 12:43
Azken eguneraketa: 2024-01-19 10:23:50

Teknologia digitalen erabilera egokia sustatzeko, Araba, Bizkaia eta Gipuzkoako ikastetxeek neurri pedagogikoak hartu beharko dituzte eskoletan telefono mugikorren eta erloju adimendunen erabilera arautzeko. Hala adierazi dute Hezkuntza sailburuorde Begoña Pedrosak eta Lanbide Heziketako sailburuorde Jorge Arévalok ostegunean eginiko prentsaurrekoan.

Jarraibide hauek datorren urtea baino lehen Antolakuntza eta Jarduera Araudian (AJA) jaso beharko direla azaldu dute, eta Haur Hezkuntza, Lehen Hezkuntza, DBH, Batxilergoa eta Lanbide Heziketa ahalbidetzen duten ikastetxeko publiko zein itundu guztiei zuzenduta daude. Horrez gain, 2024a bukatu orduko, telefonoen erabileraren gaineko “protokolo propioa” izatea exijituko diete EAEko ikastetxe guztiei.

Pedrosak bere gain hartu du gailuen erabilera egokia sustatzearen ardura, eta adierazi du ikastetxeei neurri pedagogikoak hartzeko instrukzioak bidaltzeaz gain, hezkuntza komunitateari formakuntza eskainiko diela: “Eskola eremuan mugikorrak erabiltzeko arauak ezartzea ikastetxearen autonomiaren barruan kokatzen dugu, eta gure eginkizuna izango da lan hori erraztea, adituen bitartez formakuntza sustatuta”.


Kanal honetatik interesatuko zaizu: Mugikorrak
Pantailarik gabeko aisialdiari ekin diote 1.553 ikaslek Ipar Euskal Herrian

Hamar egunez, aisialdi orduetan telebista, bideo-joko eta smartphoneak alboratuko dituzte gutxienez 1.553 ikaslek, Ipar Euskal Herrian. Helburua lortzeko, pantailarik gabeko alternatibak diseinatu dituzte aisialdirako, denok bat eginik deskonexio digitala errazagoa dela... [+]


Mugikorrek umeak errentagarri bihurtzen dituzte

 Oso garrantzitsua da adin txikikoei mugikorrak debekatzea, eta hauxe da horren alde borrokatzeko momentua.


2024-03-07 | Sustatu
5 urte bete ditu Egunean Behin jokoak

Aste berezi-berezia prestatu du Egunean Behineko taldeak, jokoak 5 urte bete dituelako. Eta hori ospatzeko, sorpresaz betetako galdera eta sariak.


Teknologiarekiko lilurak ez dezala hezkuntza itsutu

Ez ote dugun kaka-nahaste ederra eskoletan, zer den hezkuntza digitalizatzea, ikasleak gai baten bueltan Interneten bilatzen jartzea al den bidea, zer ari garen galtzen teknologia bitartekari den ikas-prozesuetan, adimen artifizialak nola eragiten duen, eskolan teknologia... [+]


Altxa Burua Okondo taldea sortu dute hainbat gurasok, smartphonearen erabileraren adina atzeratzeko

Okondoko zenbait familia elkartu dira egitasmoan, kezkatuta baitaude Interneterako sarbidea duten sakelakoen eraginagatik adingabeen hezkuntza eta emozioen garapenean. Euren proposamena da 16 urte bete arte ez ematea gazteei horrelako gailurik eta apurka-apurka egitea, nerabeak... [+]


Eguneraketa berriak daude