35 urtetik beherakoen %32,9 baino ez zegoen emantzipatuta 2021ean, EAEn. Beste era batera esanda: hirutik bi gurasoen etxean bizi zen, Etxebizitzaren Euskal Behatokiaren datuen arabera. Azken urteetako joeraren arabera, gero eta beranduago independizatzen dira gazteak, lan prekarietatea eta etxeen prezio garestiak tarteko.
Correo taldean jorratu dute albistea: lehenengo aldiz, %33aren azpitik kokatu da 35 urte bete aurretik emantzipatuta dauden gazteen kopurua –urtebete lehenago, 2020an, %35,1a zegoen emantzipatuta–. Urtez urteko joera bati erantzuten dio: gero eta beranduago uzten dute seme-alabek gurasoen etxea –2019ak baino ez zuen hautsi joera hori–. Hamarkada bat lehenago, 2010ean, 35 urtetik beherakoen ia erdia independizatuta zegoen: %43,7a.
EAEn, emantzipatzeko batez besteko adina 29,7 urte izan da 2021ean. Emantzipazio tasa emakumeen artean gizonen artean baino handiagoa dela ere nabarmendu du azterketak, “nahiz eta emakumeek lan baldintza okerragoak sufritzen dituzten”.
Arrazoiak, agerikoak
Bizi espektatibetan nagusi diren ziurgabetasuna eta zalantza oztopo inportanteak dira etxebizitza berri baten bila abiatzeko. Lan ezegonkortasuna eta soldata baxuak ere aipatzen ditu Behatokiaren txostenak: 25-29 urte artekoen batez besteko soldata netoa 1.273 eurokoa eta 30-34 urte artekoena 1.558 eurokoa izan da 2021ean. Alegia, “etxebizitza batean sartu ahal izateko behar den diru kopurutik oso urrun, bereziki hiriburuetan edota kostaldeko herrietan”.
Bai alokatzeko, bai erosteko etxebizitzek dituzten “prezio neurrigabeak” ere aipatzen ditu Behatokiak.
Laguntza, beharrezkoa
Azken hiru urteetan, EAEko 4.369 gaztek jo dute Babes Ofizialeko Etxebizitzetara (1.204 alokairuan eta 3.165 erosita). Merkatu libreko alokairua ordaintzeko berriz, 3.777 gaztek jo dute Gaztelagun programara, hilero 300 euroko laguntza emango diena (275 euro iaz arte). Bestelako laguntza bide batzuk ere aipatzen ditu txostenak.
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Espainiako Estatuan, soilik Bartzelonan da garestiagoa logela bat alokatzea. Kataluniako hiriburuan hilean 623,14 euro ordaindu behar dira jende gehiago bizi den etxebizitzako logela bat alokatzeko. Eta kopurua gora egiten ari da, Pisocompartido.com atariaren datuetatik abiatuta... [+]
Aurreko urtearekin alderatuta %80 igo da etxegabeei arreta emateko aurrekontua.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Ofizialki 9.000 etxe daude alokairuan, eta 300 jabe handirenak dira horietatik 3.000. Etxebizitzen parke osoaren %3,2 da hori.
Bruselan legez kanpokoa da etxebizitza hutsak izatea, eta hainbat komunek (Belgikako hiriburua banatzeko barruti modukoak) lege-tresna bat jarri dute martxan etxebizitzen kontrola hartu eta merkatura ateratzeko, arrazoizko prezioetan.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Groseko hainbat maizterrek, Saretxe etxebizitza sindikatuarekin elkarlanean, Azora putre funtsaren gehiegikeriak salatu dituzte. Bizilagunek elkarrekin egin nahi diote aurre jabetza duen enpresari, eta manifestaziora deitu dute, hilaren 25erako.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Donostiako auzokide horiek Saretxe Groseko Etxebizitza sindikatuarekin batera ari dira lanean, Azora enpresak Inmobiliaria Vascongadaren jabetzak erosi zituenetik pairatu dituzten arazoei konponbidea bilatzeko. "Klausula ilegalak" dira kexa nagusienetariko bat, eta... [+]