“Egungo egoeraren ondorioz” izango da konplikatua alokairuzko bizitoki ofizial gehiago eskaintzea, Jaurlaritzako ordezkarien hitzetan.

Alokairua da etxebizitzaren gatazka konpontzeko “formula eraginkorrena”, Lan eta Gizarte Politiken Departamentuaren iritziko, baina lanak izango ditu hala ere errenta mota hori sustatzeko.

Egun eraikitzen ari diren babes ofizialeko 8.653 pisuetatik 1.426k baino ez dituzte alokairuan jarriko, %16a alegia.

Eusko Jaurlaritzako Gizarte Politikako sailburu Juan Maria Aburtori “korapilatsua” iruditzen zaio gaia; dena den, errentan hartzeko pisu gehiago lortzea “bideragarria” dela dio. Jada eraikitzen hasita dauden eraikinetako batzuk alokairura bideratzea da “gakoa”.