Kortxoenea, irautea sortzea delako dokumentala egiteko diru bilketa abiatu dute Karena Crowdfunding gunean. Eraikinaren historia kontatzearekin batera, egun hiriko gune autogestionatu horren proiektua azaldu nahi dute egileek.
Eraikina hastapenetan kortxo fabrika izan zen. Orduko egunkarietan aurkitu dutenez, gehienbat emakumeak ziren bertako langileak eta borroka ugariren protagonista izan ziren.
Gerora ikastola izan zen, eta egun bost urte egingo dituen gaztetxea da. "Espazioaren erabilera egiten dugu denok, eta erabilera horren arabera eraikin batek izaera bat hartzen du edo bestea; Kortxoenea adibide garbia da", diote egileek.
Dokumentala egiteko 4.000 euro behar dituztela jakinarazi dute eta ekarpenak jasotzen ari dira. Gogo Ekoizpenak ikusentzunezko proiektuko kideak ari dira grabaketak eta muntaia egiten.
Dirua dokumentalaren kopiak egiteko eta Euskal Herriko mugaz gaindi zabaltzen saiatzeko behar dutela azaldu dute. Dokumentala amaitzen dutenean hainbat hizkuntzatan azpititulatzeko asmoa dute.
Donostian okupazioa 28 urtez lanaren jarraipena izan nahi luke dokumentalak. "Donostian autogestioan eraikitako proiektu asko egon dira eta egun ere badaude; historia hau kontatu nahi dugu". Kortxoenearen historia kontatzea, beste esperientzien inguruan gogoeta egiteko eta zalantzak mahai-gainean jartzeko baliatu nahi dutela diote.
Trailerra ikusgai:
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]