Donostiako atxiloketa eta identifikazioei erantzuteko larunbatean giza katea deitu dute Antiguako ertzain-etxera
Piztu Donostia kanpainak zabaldu du deialdia: larunbatean 12:30ean Antiguako Elizaren aurrean egin dute deialdia. Bertatik Ertzain-etxera joango dira, protesten aurka Mozal Legea erabiltzeari uzteko exijitzeko. Osteguneko greba orokorraren harira, Gipuzkoako hiriburuan guztira 13 identifikatu eta bi atxilotu izan direla salatu kontatu eta salatu dute.
Piztudonostia.eus webgunean jarri duten protokoloaren bidez bildu dituzten datuak plazaratu dituzte:
Joan den bi asteetan bi pertsona identifikatu zituzten Amaran eta bat hiriko erdigunean. Grebaren bezperan lau pertsona idenfitikatu zituzten Amaran. Grebaren egunean bertan bi atxilotu eta zortzi identifikatu izan ziren hirian (bi Amaran, hiru unibertsitateetan eta bat Egian). Orotara, grebak 13 idenfitikatu eta bi atxilotu utzi dituela salatu dute.
"Gogorarazi nahi diegu donostiarrei gai sozial eta politikoekin loturiko isunen bat jasotzen badute, ez daudela bakarrik, are gehiago, Eneko Goia alkate den Udalak hiru egunetik behin isun bat jarri duela azken bi urteetan, orotara 289, izan pankarta, pegatina, kartel, edo dena delakoak jartzeagatik, noiz eta multinazionalei hiria oparitzen ari direnean", salatu dute prentsara bidalitako oharrean.
Erantzuna Antiguan larunbatean
Piztu Donostiak mobilizazioa deitu du larunbaterako Antiguako elizatik 12:30ean abiatuta. Giza katea egingo dute Matia kaletik barrena Antiguako Ertzain Etxera eta bertan kontzentrazioa egingo dute, "ertzainei protesta eskubidea errespetatzeko eta Mozal Legea erabiltzeari uzteko eskatuz dokumentu bat entregatzearekin batera", jakinarazi dutenez.
Bi aste barru, otsailaren 16an 12:00etan beste mobilizazio bat deitu dute, hau PioXIItik hasita izango da, "Donostiako Udaltzainek Mozal Ordenantza erabiltzeari utz diezaioten eskatzeko". Kanpaina martxoaren 1ean borobilduko dute udaletxe aurretik epaitegietaraino manifestazioa eginez: Mozal Hiriari ez, Piztu Donostia izango da leloa.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Hainbestekoa da Gazan droneek eguneroko bizitzan eta iruditegi kolektiboan daukaten eragina ezen hitz propio bat asmatu dutela droneentzat: Zazana. Hitz onomatopeikoa da, gazako dialektoan.
The Drone Eats With Me: A Gaza Diary liburuan (Droneak nirekin jaten du: Gazako... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]