Donostiako Aste Nagusian euskararen presentzia urria salatu du Bagera elkarteak. Katalunia plazako (Gros) gauetan, adibidez, jardueren %80a gazteleraz dela esan du. Bulebarreko gauetan, bestalde, jardueren %28,5a bakarrik direla euskaraz salatu dute, ingelesaren pare; jardueren beste %43a gazteleraz dira.
Donostiako Aste Nagusiko musika-gune nagusian, Saguesen, bederatzi kontzertutik bi bakarrik euskaraz direla ere esan du euskararen aldeko elkarteak. Esne Beltza eta Huntza taldeen abestiak izan dira plaza honetan musika euskaraz gozatzeko aukera bakarrak.
Festek iraungo duten bitartean, euskararen presentziaren inguruko ikerketak egiten jarraituko du elkarteak, eta jaietan ere euskaldunok euskaraz bizi eta gozatzeko eskubidea aldarrikatu du. Jaiak hasi aurretik euskararen presentzia aztertzeko behatzaileak behar zituen elkarteak, eta geratzen diren egunetan laguntza eskertuko dutela adierazi dute.
Donostiako Aste Nagusian Tomas Alba plazan 9 kontzertu eskainiko dira. 7 egunetan gazteleraz, egun bakarrean euskaraz (bi kontzertu).
%22,22a euskaraz
%77,78 gaztelerazhttps://t.co/dcFdsv6qQZ#Bageralakonor Aste Nagusian euskaraz bizi nahi dugu. pic.twitter.com/t7RiKokbIE
— Bagera Elkartea (@BAGERAelkartea) August 9, 2019
Jaime Altunak Hizkuntzaren funanbulistak. Hizkuntza-sozializazioa kirol eremuan adin eta generoan ardaztuta doktoretza tesia uztailean bukatu du. Gaiaren ezagutza sakonetik eta aurrez beste ikerlariek idatzitakotik hurbildu da begirada berezi bezain zorrotzaz Gipuzkoako zenbait... [+]
Audiogidak frantsezez, alemanez, ingelesez eta gaztelaniaz daude. Biarritzeko turismo bulegoko zuzendari Genevieve Fontainek argudiatu du euskara ez dela “berehalako eskarietako bat”.
Haurren aurrean helduok heldu ekimena urriaren 19tik 29ra egingo da Hego Euskal Herriko 80 herritan. Protagonistak, batez ere, gurasoak izango dira eta bi helburu azpimarratu ditu Euskaltzaleen Topagunea antolatzaileak: batetik, gurasoek hizkuntza ohiturak aldatzeko pausoak... [+]
Euskarafobia legalaren historia legez lege eta arauez arau aztertu du Iñigo Urrutiak (1966, Jatabe-Maruri), Xabier Irujorekin batera. Horren emaitza da Historia Jurídica de la Lengua Vasca (1789-2023) liburu mardula. Irujo atzerrian zegoenez, Urrutiarekin mintzatu... [+]