DomusViren egoitza batean bizi zen 84 urteko egoiliarra artatu ez izana salatu dute senideek
Martxoaren 11n hil zen Donostiako Ospitalean eta txosten medikoarekin batera bere larruazaleko hainbat argazki bildu zituzten osasun langileek. DomusVi multinazionalak kudeatzen duen Donostiako Berra egoitzako emakumeak zauriak, ultzerak eta eskarak zituen gorputzean.
Eldiario.es egunkariak eman du gertaera honen berri eta senide batekin hitz egin du. Senideak egunkariari adierazi dionez, emakumea ondoezik eraman zuten ospitalera, besteak beste aurrez zituen patologiek egoera zailduta eta hil egin zen. Osasun langileak orduan konturatu ziren egoiliarrak larruazalean zauri asko zituela eta haien harridura agertu zuten, jakinda egoitza batean bizi zela. Halako urradurak ohikoak dira mugitzeko gaitasun gutxi edo batere ez duten pertsonengan, arropen igurtziagatik. Azala lehor mantentzea eta behaketa jarraitua egitea ezinbestekoak dira.
Senideak adierazi du ospitalera eraman dutelako jakin dutela nola zegoen, egoitzan hil bazen ez zutela ezer jakingo. Larruazaleko medikuarengana zergatik ez zuten bideratu galdetzen du eta hilero 60 euro hidratatzaileak erosteko zergatik ordaintzen duten galdetu du.
Hautsi eta astebetera lepauztaia artatu ziotela ere esan du senideak. Egoitzak jakinarazi zion erori egin zela. Egoiliarra sorbaldako minez kexu zen, baina zazpi egun pasa arte ez zioten haustura atzeman.
Egunkariak jaso du DomusVik kanpoko komunikazio agentzia baten bidez idatzi duen txostena gertaera hau dela-eta. Larruazaleko zauriak ez ditu aipatzen eta familiaren kexen aurrean dio egoitzak zuzen jokatu zuela hasieratik. Hala ere, bere lankidetza eskaini du edozein motako ikerketa balego.
Gipuzkoako Senideak elkarteak oharra kaleratu du Eldiario.es egunkariak emandako albistearen harira: “Gipuzkoako Foru Aldundiari eskatzen diogu ahalik eta lasterren ikerketa hasteko eta erantzukizunak argitzeko, ez baita egoitza honetan gertatu den kasu bakarra”.
DomusVi multinazionalaren egoitzetan aurrekariak
Donostiako Berra da COVID-19aren ondorioz Euskal Autonomia Erkidegoan heriotza gehienetakoa izan duen egoitza. Datu ofizialen arabera 20 hil dira eta osasun langile batek Legebiltzarraren aurrean eskainitako datuen arabera 35 bat hil dira.
Multinazionalak Villa Sacramento egoitza ere kudeatzen du. 2020ko abuztutik 2021eko martxoa bitartean senideei FFP2 musukoengatik kobratu zien hileroko kuotaz gaindi. Bestelako salaketa bat ere izan du multinazionalak: egotzi diote hileta zerbitzuak eskaintzen dituen enpresa batekin akordioa zuela egoitzetako erabiltzaileen artean bezeroak egiteko.
Usurbilgo Kalezar auzoko Egurtzegi zaintzadun etxebizitzak zaharren egoitza tradizionaletako logeletatik bereizten dira, bizilekuak eskainiz. Usurbilen zaintza eredu kolektiboaren alde lan egiten dute, zeinak pertsonak eta horien lehentasunak erdigunean jartzen dituen. ARGIAk... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
Arabako zahar egoitzen egoera lehen planora pasa da berriz ere azken asteetan. Zaintza Araba elkarteak Gasteizko Arabarren eta Laudioko San Roque erresidentzietako egoiliarrei ematen zaien tratua salatu dute, hainbat senideren testigantzak jaso ondoren. Langileen lan-baldintza... [+]
"Duintasuna urratzerainoko gertakariak" sarri errepikatzen direla seinalatu dute egoitza horretako senideek Arabako Foru Aldundiari bidalitako gutunean. Aldundiak dio egoera ez dela "hain larria".
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maiatzaren 23 eta 24an grebara deitu dute Arabako zaharren egoitza pribatu eta etxebizitza komunitarioetako langileek. Patronalaren “blokeoa” salatu dute ELAk eta LABek, eta soldata igoera eta lanaldi murrizketa jasoko dituen lan hitzarmena eskatu.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]
Ikusgarriak dira berriz ere metalgintzako sektoreko grebak Bizkaian azken bi asteetan utzi dizkigun irudiak. Badago langile borrokaren amaieraz aritzen denik Euskaldunako garaiak nostalgiaz gogoratuz, baina errealitatea da lan gatazken kopuruak gora egin duela Euskal Herrian... [+]
Hitzarmenak eta egoerak ezberdinak dira lurralde bakoitzean, baina lan baldintza duinen eskean dira zahar etxeetako langileak. Grebak antolatu dituzte Nafarroan, Bizkaian, eta Araban, eta Gipuzkoan LABek elkarretaratzea egin du UGTk adostutako akordioak “egoera... [+]
55 urtetik gorako pertsonen bizi-baldintzak aztertzeko EAEn egin duten inkestaren arabera, asebeteta dagoen jende aktiboa da gehiengoa, zahartzaroaz sarri eman ohi den irudi ezkor eta infantilizatutik urruti.