Sinadura greban dauden ‘El Diario Vasco’-ko langileek grebara joko dute orain, soldata igoera eskatzeko
Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna ematen die plantillan ez dauden langileen sinadura daramaten informazioei”, salatu dute.
aurre egingo dieten hedabide independenteak
Urak harro datoz Gipuzkoako egunkari salduena den El Diario Vasco-n. Bere lantaldeak hainbat aste daramatza astelehenero mobilizazioak egiten, “astelehen beltza” deiturikoetan, hitzarmen kolektiboa eguneratu eta soldata KPIaren arabera igo diezaieten, besteak beste. Baina negoziazioetan aurrerapausorik ez dela eman ikusita, grebara jotzea erabaki dute.
Ekainaren 19, 20 eta 21ean egingo dute greba; langileen batzarrean aldeko 55 boto jaso ditu deialdiak, bertaraturikoen %86. Hain justu, grebak bat egingo du Imanol Pradales EAJko hautagaia EAEko lehendakari inbestitzeko bilkura egunarekin.
Baina horren aurretik elkarretaratzea egingo dute ekainaren 13an, ostegunarekin, administrazio kontseilua orduantxe elkartuko baita gaia aztertzeko.
Lantaldeak hainbat aste daramatza astelehenero mobilizazioak egiten, “astelehen beltza” deiturikoetan, hitzarmen kolektiboa eguneratu eta soldata KPIaren arabera igo diezaieten
Enpresa batzordean gehiengoa duen ELA sindikatuak azaldu duenez, langileek hamabi urte daramatzate soldatak “izozturik” taula altuetan, eta gutxien kobratzen dutenek, berriz, “eros ahalmena galtzen” jarraitzen dute. Aldiz “Sociedad Vascongada de Publicaciones elkarteak (El Diario Vasco-ren jabeak) urtero milioi askoko irabaziak pilatu ditu eta akziodunei dibidendu oso handiak banatzen dizkie”.
Sinadura greban murgilduta
El Diario Vasco-ko kazetariek maiatzaren 30az geroztik sinadura greba egiten ari dira, ildo beretik, eta lantaldean dauden kazetariek ez dituzte euren artikuluak sinatzen.
Enpresa batzordeak bere X kontuan salatu du enpresak hori ezkutatu duela: “Ikusgarritasuna txikiagotzeko, lehentasuna ematen die Colpisaren, korrespontsalen eta plantillan ez dauden langileen sinadura duten informazioei, kazetaritza-irizpidearen aldean”.
Vocento taldeko beste egunkarietako artikuluak ikusi daitezke egunotan Diario Vasco-ko orrialdeetan, baita “hilean 700 euroko kontratua gainditzen ez duten” aldi baterako langile eta bekadunenak ere
Hala, Vocento taldeko beste egunkarietako artikuluak ikus daitezke egunotan El Diario Vasco-ko orrialdeetan, baita “hilean 700 euroko kontratua gainditzen ez duten” aldi baterako langile eta bekadunenak ere, El Salto-k azaldu duenez.
El Diario Vasco 1934an sortu zen eta 1936ko altxamenduaren eta Francoren erregimenaren babesle sutsua izan zen. Gaur egun, Sociedad Vascongada de Publicaciones SA-ren esku dago eta Vocento komunikazio taldearen parte da. Enpresaren akziodunen artean Bergareche, Ybarra, Echeverria, Zaragüeta eta beste abizen ezagun batzuk daude.
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Kontatzen ez dena ez da existitzen. Oso barneratuta daukagu lelo hori, baita informazioa boterea dela eta eragiteko gaitasun handia duela ere. Are gehiago gerra edo gatazketan, batik bat oraindik tresna digitalak asko garatu gabe zeudenean, informazioa ez baitzegoen hain eskura... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Bizikleta hartu eta errepidera ateratzeko gogoa. Olatu gainean surf egiteak zein sentsazio eragiten duen probatzeko irrika. Mendirik mendi ibiltzearen plazera sentitzea. Mendian, hainbestean, baina emakumeak ez du erraza izan gizonenak izan diren kirol eremuetan sartzea... [+]
Okindegiko ilaran, bi emakume. Itxuraz erdi-ezagunak, hitz egiteko duten moduagatik. Pareko egunkaria hartzeko keinua egin du bietan zaharrena dirudienak, eta zera esan dio besteari: “Dauden albisteekin, agian gaur nahiago izango dut animalien dokumental bat ipini”... [+]
Sorkuntzarako, gozamenerako eta aldarrikapenerako espazio moduan dute oholtza musikari askok, baina bere ingurumarietan katramilatzen dira sarri, eta espazio "bortitz" bihurtzen da hegemonikoak ez diren gorputz askorentzat. Presio estetikoa, egiteko modu deserosoak,... [+]
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Apirilean argitaratu zuen Amorante frantsesa (Susa) Miren Agur Meabek (Lekeitio, 1962). Thriller ukitua du poemen bidez idatzitako nobela deigarriak eta, istorioa fikziozkoa den arren, badu idazlearen aurreko lanak markatu dituen kutsu autobiografikoaren arrastorik. Hortaz,... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]