Desokupación Legal enpresak Gasteizen familia bat ilegalki etxegabetu nahi duela salatu dute
Gasteizko Kontseilu Sozialistak eta Etxebizitza Sindikatuak prentsaurrekoa egin dute egoeraren berri emateko. Salatu dute enpresa etxebizitzan bizi den familia "iraintzen eta mehatxatzen" ari dela. Aurretik, etxejabeak ere jazarri zuen familia.
Okupazioaren aurkako enpresa bat Gasteizko familia bat ilegalki etxegabetzen saiatzen ari dela salatu dute Gasteizko Kontseilu Sozialistak eta Etxebizitza Sindikatuak. Prentsaurrekoa egin dute asteartean, egoeraren berri emateko.
Sindikatuko kidea da familiako kide bat, eta uztailean Desokupación legal izeneko enpresa hainbat aldiz jarri zen harremanetan berarekin. Etxebizitzatik alde egiteko konbentzitu nahi zuten, eta horretarako "laguntza ekonomiko txiki" bat ere eskaini zioten. Irailaren hasieran, berriz, enpresaren pegatina bat jarri zioten atean, eta mugikorrera ahots-mezuak bidali dizkiote, "iraintzen eta mehatxatzen". Enpresak esan zion auzia irailean "konpondu" nahi dutela, "gaitz handiagoak saihesteko". Astelehenean, bi gizon agertu ziren atarian, mehatxuka.
Sindikatuak azaldu du etxegabetze saiakera legez kanpokoa dela, familiak kontratua baitu eta alokairua ordaintzen ari baita. Ohartarazi dute pertsona horiek berriz etxera joateko arriskua dagoela, familia indarrez kanporatzen saiatzeko.
Jabearen jazarpena
2021etik bizi dira Zaramagako etxebizitza horretan sindikatuko kidea eta bere familia, alokairuan. 2023ko urtarrilean, jabeak familia etxetik bota nahi izan zuen, erabilera propiorako behar zuela-eta. Behar hori egiaztatzeko dokumentazioa eskatu zioten, baina ez zien ezer bidali. Bitartean, familiak alokairua ordaintzen jarraitu zuen.
Maiatzean egoera gogortzen hasi zen, jabea etxebizitzara joaten hasi baitzen, bertan bizi zirenei "enbarazu, mehatxu eta eraso egitera". Gainera, bi aldiz aldatu zuen trastelekuko sarraila, eta sindikatuko kideak ezin izan zituen bere trasteak hartu. Ekainean, etxe atarian txerri baten burua eta hankak agertu ziren.
Desokupazio-enpresa faxista
Sindikatuak desokupazio enpresen "izaera faxista" salatu du. "Jabe handiek eta, batez ere, jabe txikiek kontratatzen dituzte, legez kanpo eta parapolizialki jarduteko. Estatua iristen ez den lekura heltzen da faxisten indarkeria". Sindikatuaren arabera, enpresa horien jarduna prozesu orokor baten parte da: "proletalgoa errentagarriak ez diren etxebizitza-modalitateetatik kanporatzea". Gaineratu dute desokupazio enpresak proletarioen kriminalizazioaren arduradun direla: txiroa kanporatzeaz gain, testuinguru sozial bat sortzen laguntzen dutelako prozesua justifikatu eta defendatzeko.
"Berehalako arriskua" dela eta, Gasteizko Etxebizitza Sindikatuak asanblada egingo du ostiralean, 19:00etan, Zaramaga auzoko Fermin Lasuen kaleko 1. zenbakian.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.