Emakumeak borrokan
Natalia Sanchez eta Miren Zabaleta

"Demokrazia lortzeko bidea independentzia da, ez alderantziz"

  • Kataluniako prozesuaren nondik norakoak eta ezker abertzalearen erronka nagusiak azaldu dituzte Figuereseko zinegotzi eta CUPeko idazkaritza nagusiko kide Natalia Sanchezek eta Sortuko Nafarroako koordinatzaile Miren Zabaletak Irunberrin (Nafarroan) eskaini duten hitzaldian. Bi ondorio nagusi atera dituzte: Espainiako Estatua demokratizatzea ezinezkoa denez, demokraziarako bide bakarra independentzia da, eta ez alderantziz; eta herri bat sortzeko behetik hasi behar da.

Ane Eslava Serrano @eslavaane
2017ko apirilaren 12a

Egun Kataluniako Legebiltzarrean 72 legebiltzarkide independentista daude eta datozen hilabeteotan independentziari buruzko erreferenduma egingo dute. Puntu honetara nola heldu diren azaldu du Sanchezek: “Bidea herri mobilizazioa da. Gaur fokua erakundeetan dugun arren, oinarria herritarrak hausturaren aldera ekartzea izan da”. Abiapuntua krisialdiaren hasieran jarri du: “Garai hartan herritarrak eskari zehatz batzuen alde mobilizatzen hasi ziren eta horrek eragin zuen indar independentistaren antolamendua. Udalerrietatik piztu zen, herri galdeketekin, herri-lurrikara bat bezala”.

Testuinguru horretan azaroaren 9ko erreferenduma deitu zuten eta Estatuak debekatu. “Ahaztu ohi dugun zerbait gertatu zen une horretan: urriaren 19an 100.000 pertsona baino gehiago irten ziren kalera protesta egitera”. Presio horren ondorioz, 600 hautestontzitik 1.400era igarotzea lortu zuten. “Hori da gakoa: tokian toki antolatzea”, ziurtatu du Sanchezek. Azaroaren 9koa “galdeketa deskafeinatu” bat izan zela dio, baina “Kataluniako historiaren mobilizaziorik masiboena” lortu zutela azpimarratu du.

Azken urte eta erdian fokua instituzioetan gehiegi ipini dutela eta datozen hilabeteotan “hasierako esentzia” berreskuratzen saiatuko direla azaldu du, udako galdeketari begira “ilusioa eta aktibazioa” lortzeko. “Oinarria udalerrietan eta egunerokoan dago, horra eraman behar dugu Kataluniako Errepublikaren inguruko eztabaida”, ziurtatu du, “independentziaren bitartez dena aldatu nahi dugula diogunean osasunari, hezkuntzari, ingurugiroari buruz ere ari garelako”. 

Herri egiteko garaia da”

“Bizkortze historikoko garai batean gaude. Mundua nahasia dago, ezjakintasunez betetako aro bat da, baina proiektu eraldatzaileei ateak irekitzen dizkiena”, hasi da Miren Zabaleta. “Kataluniako galdeketak Euskal Herriko eztabaidaren koordenadak ere aldatuko ditu, han independentziari buruz eztabaidatzen ari diren bitartean hemen autogobernu ponentziari buruz eztabaidatzen aritzea ez du zentzurik”, ziurtatu du.

Testuinguru horretan, Sortuk aurreikusten du 2026ra arteko epean subiranotasun prozesu bat abiatzea, aukerak daudela uste dutelako, Zabaletak azaldu duenez. Nafarroan aldaketa bultzatu zuten gehiengo sozialak subiranotasunaren alde aktibatzeko helburua dutela esan du: “2019an erregimenaren eta aldaketaren artean neurtuko gara, eta une horretara kaletik bultzatutako indarrez beteta iritsi behar dugu”.

Bide horretan udalek duten garrantzia azpimarratu du, horiek baitira Nafarroako aldaketaren erakusle nagusiak, Zabaletaren ustez: une honetan Nafarroan UPN eta PSNren 29 alkatetza daude eta aldaketaren 49, horietatik 41 EH Bildurenak. Udalbiltza eta antzeko taldeei buruz galdetuta, “herri” egiteko balio dutela esan du, “Korrikak eta beste ekimen askok egiten duten bezala”. “Herri egiteko garaia da”, amaitu du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Independentismoa kanaletik interesatuko zaizu...
2019-03-11 | Patxi Azparren
Independentismoa "erreseteatu"

Informatikaz ezer gutxi dakigunok ere badakigu noizean behin ordenagailuak “erresetatu” behar ditugula. Programak abiadura bizian aldatzen dizkigute eta sarritan ordenagailuak ohartxoak bidaltzen dizkigu. Eguneratu ezean, dena mantsotzen da eta azkenean ordenagailu bera erabilezina bilakatzen da.


2019-01-21 | Joseba Alvarez
Argala, Cereceda, Sarrionaindia, Txillardegi

Ezker independentistarentzat estrategikoak izango diren zenbait gai lantzeko bildu ginen duela hamar bat egun 250 kide Plaza Hutsa ekimenean. Hainbat gai jorratu ziren talde txikietan, eta gure taldearen lana, euskarak prozesu independentistari egiten dion ekarpena aztertzea izan zen.


2019-01-11 | ARGIA
Plaza Hutsa tailerra
"Ezkerreko independentismoak herrigintzan egin dezakeen ekarpenaz" tailerra larunbatean Durangon

"Ezkerreko independentismoak herrigintzan egin dezakeen ekarpenaz jarduteko plaza irekia". Horrela definitu dute Plaza Hutsa izeneko tailerra. Urtarrilaren 12an egingo dute Durangoko Landakon, goizean 10:00etan hasita. Ezkerreko independentistei zuzenduta dago. Izena eman behar da parte hartzeko.


2019-01-09 | Iratzar Fundazioa
Euskalerrigintza: aro berri baterako paradigma
MULTIMEDIA - solasaldia

UEU eta Iratzar Fundazioak elkarlanean ekainean antolatutako "Herrigintzaren aro berri baterako begiradak" ikastaroaren mahainguru bat. Hizlariak:
- Jule Goikoetxea- Herrigintza eta estatugintza globalizazioaren aroan
- Txoli Mateos- Estatu demokratikoa, nazio identitatea eta herritartasun ereduak
- Mario Zubiaga - Euskal Konstituzioa eraikitzen: XXI. menderako herrigintza


2019-01-07 | Iratzar Fundazioa
Esparru sozioekonomikoa aro berri baten aurrean
MULTIMEDIA - solasaldia

UEUk eta Iratzar Fundazioak elkarlanean ekainean antolatutako "Herrigintzaren aro berri baterako begiradak" ikastaroaren mahaingurua. Hizlariak: Igor Ortega soziologoa, Helena Franco ekonomian doktorea eta Amaia Oleaga ekonomialaria.


2018-12-14 | Uriola.eus
Oskar Matute
"Gai guztien inguruan burujabe izan behar dugu, baina horrek ez digu inongo banderarik bermatuko"

Abenduaren 13an 10 urte bete dira Alternatiba jaio zenetik, 2008ko egun berean Bilboko Bidebarrieta liburutegian aurreneko batzarra egin zenetik. Hori dela eta, larunbatean, abenduak 15, ekitaldia egingo dute Bilboko Itsas Museoan eta bere bozeramailea den Oskar Matuterekin egon gara.


2018-12-06 | ARGIA
Euskal Errepublika aldarrikatu dute Bilbon

“Euskal Errepublika” lelopean, jendetza batu da Bilbon EH Bilduk deituriko manifestaziora. Espainiako Konstituzioak 40 urte egin dituen honetan, argi dute ekitaldiaren bultzatzaileek: Euskal Herri aske, demokratiko eta justua aldarrikatzeko momentua da.


EH Bildu ERC eta BNG alderdiekin joan liteke Europar Parlamentuko hauteskundeetara

Lau aldiz bildu dira jada hiru alderdietako kideak. EH Bilduk bere biltzarrean aurkeztuko du asmoa, abenduaren 14ean. “Estatuaren errepresioaren aurrean herriak elkartzea funtsezkoa” dela azpimarratu dute.


Dagoeneko 220.000 herritarrek erabaki dute GEDko kontsultetan

Donostian, Irunen eta Enkarterrietan atzo erabaki zen euskal estatu burujabe eta independente batean bizitzea, Gure Esku Dago dinamikak antolatutako herri galdeketetan. Orotara, 28.704 lagunek erabaki dute. Emakumeak izan ziren lehenak bozkatzen bost herrietako hautesleku guztietan.  


2018-11-04 | Z. Oleaga
Kataluniako prozesutik ikasten, Euskal Herrian zer?

CUP, Gure Esku Dago, Sortu eta Zergatik ez? antolakundeetako ordezkari banarekin mahai ingurua egin zuten Gipuzkoako Zubietan irailaren 23an. Iraultza Txikien Akanpadako solasaldietako bat zen. Helburua, bikoitza. Kataluniako prozesu independentistatik euskal herrigintzarako irakaspenak ateratzea, bata; Euskal Herrirako estrategia independentista eraginkor baterako gakoez eztabaidatzea, bestea. Tarteka bat egin bazuten ere, toki oso ezberdinetik egin zuen hitz bakoitzak.


Azkenak
EGILEA
Eguneraketa berriak daude