Edurne Correa La Haine-ko kazetaria astearte eguerdian aurkeztu da Ismael Moreno epailearen aurrean, eta uko egin dio deklaratzeari. Preso baten ongietorria Twitter bidez zabaltzeagatik ikerketa abiatu du auzitegiak, terrorismoari gorazarre egitea leporatuta.
Correak berak jakinarazi du deklarazioa amaitu duela sare sozialen bidez: “Kalean, salbuespeneko auzitegitik igaro eta ez deklaratzeko eskubideari heldu ondoren. Kausa zentzugabea da, ez dute ezer, eta ad hoc egina dago La Haine eta ni jazartzeko”.
Madrileko Kazetarian Sindikatuko (SPM) ordezkariak auzitegian izan dira Correari elkartasuna adierazteko. Informatzeko eskubidea aldarrikatu dute, eta jakinarazi dute Correaren abokatuak adierazi duela ez dagoela “ezer” kazetariaren aurka. Moreno epailearen eskuetan geratu da orain prozedurarekin jarraitu edo bertan behera uzteko erabakia
Terrorismoari gorazarre
Auzitegi Nazionalak ikerketa abiatu du Correaren aurka, terrorismoari gorazarrea egitea leporatuta, 2021eko abenduan Iñaki Etxeberria euskal preso politiko ohiaren ongietorriaren bideo labur bat Twitter bidez zabaltzeagatik. La Hainek salatu du prozedura informazio eta adierazpen eskubideen aurkakoa dela, eta baita euskal preso politikoen aurkakoa ere.
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]
Aurreko astean, Madrilen epaitu zituzten José Manzaneda kazetaria eta Euskadi-Cubako legezko ordezkaritza, artikulu baten harira: AEBen blokeoaz hitz egiten zen idatzian. Sei urteko espetxe-zigorra eta 70.000 euro inguruko zigor ekonomikoa eskatzen zituen akusazio... [+]
Hilaren 28an bi urte beteko ditu Poloniako kartzelan Euskal Herriko kazetariak. Poloniako justiziak ostegun honetan erabaki du beste hiru hilabetez luzatzea behin behineko espetxealdia.
Akusazio partikularrak 50.000 euroko kalte-ordaina ere eskatu du Cubainformacióneko José Manzaneda kazetariaren aurka, erreportaje batean emandako edukiagatik.