Aske geratu da Julian Assange, AEBekin akordiora iritsita

  • Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.


2024ko ekainaren 25an - 10:00
Azken eguneraketa: 2024-06-26 00:52:09
WikiLeaksek bideo bat zabaldu du gaur goizaldean, hamabi segundokoa. Bertan ikusten da nola Assange auto batean sartzen den, aske geratu ondoren, eta Erresuma Batutik alde egiten duen.
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Erresuma Batutik atzo irten zen Julian Assange, eta Mariana uharteetan epaituko dute gaur gauerdian, Euskal Herrian goizaleko 01:00 denean. Ozeano Barean daude Mariana uharteak, Filipinetako ekialdean eta Japoniaren hegoaldean, Assangeren jaioterri den Australiatik gertu; AEBen menpe dira Mariana uharteak, baina "Estatu aske" izaera daukate. Handik deklaratuko du AEBentzat.

WikiLeaksek eta Assangeren abokatuek gaur goizaldean publiko egin duten informazioaren arabera, AEBetako Justizia Departamentuarekin akordioa itxi du Assangek azken orduotan. 62 hilabeteko espetxe zigorra ezarriko diote gauerdian hasiko den epaiketan, hain zuzen ere, Erresuma Batuko espetxean eman duen denbora. Zigorra beteta duenez, aske geratuko da eta AEBetara estraditatzea saihestuko du.

Stella Assange emazteak Twitter sare sozialean idatzi du WikiLeaksen informazioa berretsi eta Assangeren kasuari indarra emateko asmoz: "Ezin dut hitzez azaldu zuei zein eskertuta nagoen, horrenbeste urtetan zehar hau egi bilakatu zedin mobilizatu zareten guztioi. Letra larriz: ESKERRIK ASKO".

62 hilabete, segurtasun handiko espetxean

WikiLeaksen sortzailea 2019ko apirilaren 11n sartu zuten Erresuma Batuko Belmarsh-eko segurtasun handiko espetxean, Londreseko Ekuadorreko enbaxadatik kanporatu ostean. Zazpi urte eman zituen enbaxada hartan, Ekuadorko presidente Rafael Correaren babespean.

Gobernu aldaketa egon zen Ekuadorren, Lenin Morenok hartu zuen presidentetza, eta Assangeren kanporatzea agindu zuen. Izan ere, Morenok eta Assangek hainbat tirabira izan zituzten, batez ere Morenok WikiLeaks egiten zuelako berari buruz izandako hainbat filtrazioren errudun; besteak beste, Morenorekin lotutako Ina Investment Corporation enpresari dagozkion ustelkeria salaketak. Tirabira horiek baliatu zituen AEBetako gobernuak: presio egin zion Morenori, konpromisoa har zezan Assangeren kanporatzea agintzeko Ekuadorren Londreseko enbaxadatik.

Bost urteotan Assangek oso bisita gutxi izan ditu eta egoera oso larrian biziraun du Belmarsh-eko segurtasun handiko espetxean. Hasiera batean, gainerako presoekin batera ateratzen zuten patiora, baina kartzelako mandatarien esanetan "Assangeren presentziak patioa aztoratzen zuen", eta bakarrik ateratzea erabaki zuten. Muturreko isolamenduan egon da, 23 orduz bi metro luze eta zabaleran hiru metro zituen ziegan.

Irakeko eta Afganistango gerra sekretuak

Julian Assangeren eta WikiLeaksen ibilbide judizial eta diplomatikoa amaierara heltzear da. 2010ean WikiLeaksek AEBetako gerra informazioa azaleratu zuen, eta horrela ezagutarazi ziren armada estatubatuarrak hainbat herrialdetan egindako txikizio handi eta giza eskubideen urraketak. Irakeko gerrako 400.000 txosten argitaratu zituen, 90.000 inguru Afganistangoak, 800 Guantanamokoak eta AEBetako bestelako 250.000 informazio diplomatiko. AEBen esanetan sekretupean edukitzeko dokumentazioa zen. Espioitza Legea urratzea leporatu dio, hemezortzi delitu egin dituelakoan.

AEBetako Justizia Departamentuarekin akordioa erdietsi du Assangek, eta epaiketa telematikoan errudun joko du bere burua. Aitortuko du Espioitza Legea urratu duela, eta adostutakoaren arabera 62 hilabeteko espetxe zigorra jasoko du. Horrela, zigorra betea izango duenez, aske geratuko da.


Kanal honetatik interesatuko zaizu: Kazetarien aurkako jazarpena
Israelek kazetari palestinarrak hiltzeko patroi bat jarraitzen duela erakutsi dute

Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.


Nazio Batuen Erakundeko 193 kide hil ditu Israelek urritik, inoizko gehien

Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]


2024-06-18 | Mikel Aramendi
ANALISIA
Benetako espioia ote da ba Ewan Gerxkovitx kazetari estatubatuarra?

Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]


2024-04-29 | ARGIA
Pablo Gonzalez kazetaria aske uztea eskatu dute beste behin Nabarnizen

Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]


Jesús Rodríguez kazetariak erbestera jo du Auzitegi Nazionalaren jazarpenaren aurrean

Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]


2024-03-01 | Axier Lopez
Prentsa askatasunaren aurkako sokak ez du etenik: oraingoan AraInforen kontra jo dute

Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]


2024-02-22 | Gedar
Absolbitu egin dituzte ‘Cubainformación’-eko kazetari bat eta Euskadi-Cuba elkartea

Aurreko astean, Madrilen epaitu zituzten José Manzaneda kazetaria eta Euskadi-Cubako legezko ordezkaritza, artikulu baten harira: AEBen blokeoaz hitz egiten zen idatzian. Sei urteko espetxe-zigorra eta 70.000 euro inguruko zigor ekonomikoa eskatzen zituen akusazio... [+]


2024-02-16 | Axier Lopez
Pablo González kazetariari espetxealdia luzatu diote zortzigarren aldiz

Hilaren 28an bi urte beteko ditu Poloniako kartzelan Euskal Herriko kazetariak. Poloniako justiziak ostegun honetan erabaki du beste hiru hilabetez luzatzea behin behineko espetxealdia.


Cubainformación eta Euskadi-Cuba elkarteko kideei sei urteko kartzela zigorra ezarri nahi diete

Akusazio partikularrak 50.000 euroko kalte-ordaina ere eskatu du Cubainformacióneko José Manzaneda kazetariaren aurka, erreportaje batean emandako edukiagatik.


Pablo Gonzalez kazetariak Polonian preso bi urte beteko dituela salatzeko manifestazioa deitu dute Gernikan

Otsailaren 28an bi urte beteko atxilo. Egun horretarako, Gonzalez libre uztea aldarrikatzeko manifestaziora deitu du Guernica Gernikara ekimenak.


eBay-k enpresarekin kritikoak ziren bi blogari jazarri eta mehatxatu zituen

AEBetako merkataritza elektronikoko eBay plataformak jazarpen kanpaina egin zuen 2019an enpresarekin kritikatu zuten bi blogariren aurka. Beldurtzeko asmoz, hiletetako lore-koroa bidali zieten etxera, baita zerri odoldu baten maskara, bizirik zeuden armiarma eta labezomorroak... [+]


Pablo Gonzalez kazetariak bi urte beteko ditu atxilo

Poloniako justiziak beste hiru hilabetez luzatu du Pablo Gonzalez euskal kazetariaren behin-behineko espetxeratzea. Zazpigarren luzapena da, eta bi urte egingo ditu kartzelan 2022ko otsailean atxilotu zutenetik.


‘La Directa’ babestu dute ARGIAk eta beste hainbat hedabidek: “Kazetaritza ez da terrorismoa”

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


Eguneraketa berriak daude